5 حاجات شريكتك هتتكسف تطلبهم منك في العلاقة الحميمة
Feb21

5 حاجات شريكتك هتتكسف تطلبهم منك في العلاقة الحميمة

في عالم أحسن أكيد هتقدر تحس بكل رغبات شريكة حياتك وخصوصا في العلاقة الحميمة، و كان هيبقي أحسن برضو لو عرف كل اتنين يعبروا لبعض بوضوح عن رغباتهم و احتاجاتهم من بعض، لكن للأسف دي مش حقيقة ، و في الوقت اللي فاكر فية شريكتك بتقولك كل رغباتها و احتياجاتها، فاحتمال يكون في بعض الأفعال و الحاجات اللي بتتكسف تطلبهم منك، و من حسن حظك إننا هنقولك على أكتر حاجات مشتركة البنات مابتقولهاش لكن بتتمناها في العلاقة الحميمة: إنك تبصلها في عنيها: الستات دايما بيحبوا يكون في تواصل قبل و بعد و في العلاقة الحميمة عشان كده لازم تستخدم التواصل بالعين و مش لازم يكون وقت العلاقة الحميمة بس، لإن التواصل بالعين لازم يكون وقت العلاقة الحميمة و في غيرها، و لكن ده مش معناه إنك ماتبصلهاش خالص أو تستخدم التواصل بالعين كتير لإنه في بعض الأوقات بيكون مخيف.  في ستات كتير مابيعرفوش يقولوا لشريكهم إنهم محتاجين “يدلعهم ” أكتر، فمن أهم الحاجات اللي لازم تعملها إنك تعبر لشريكتك قد إيه هى مهمة عندك، زي إنك تجبلها ورد، نقولها قد إيه انت بتحب تاخد بالك منها أو قد إيه أنت محظوظ عشان هى في حياتك، و ده لإن أغلب البنات بتحب  تحس إنها في أمان أكتر من إنها تستمتع بكونها مع راجل في علاقة و جزء من إنك تحسسها بالطمأنينة و إنها أول حاجة في حياتك بأفعالك و كلامك كمان. وصلها للنشوة الجنسية بطرق مختلفة: برضو بنات كتير هتتكسف تطلب منك ” الجنس الشفوي ” لأنه مش حاجة سهله بالنسبة ليهم إنهم يقولوها و زي ما كتب كتير قالت إن في قاعدة عند البنات و هى ” أنا الأول، وبعدين انت، و دلوقتي احنا الاتنين” و ده لأن في بنات كتير صعب توصلهم للسعادة ، و ده لإنهم هيخافوا شريكهم مايحبش ده أو يتقفل منهم . النشوة الجنسية ليكوا انتوا الاتنين: بالرغم إن بعض البنات بتكون متفقة مع فكرة نوم الراجل بعد الوصول للنشوة الجنسية، إلا إنه ده مابيكونش رد الفعل اللي بيخليها ترجع تاني و تحتاجك، و خصوصا لو كانت هى ماوصلتش للنشوة ، و عشان كده لازم تتأكد إن شريكتك وصلت للنشوة الجنسية قبلك لإن في بعض الرجالة بتركز بس على نفسها. اديها اهتمام أكتر: محدش بيقولك تقرا الأفكار أو تعرف الغيب لكن لو عرفت تنتبه كويس للغة جسد شريكتك و سلوكها، هتقدر تفهم الحاجات اللي بتحبها و اللي بتكرها أو لو هى عايزة حاجة مختلفة أو جديدة، استخدم جمل زي أقدر أعمل ايه أكتر أو أقل عشان تبقي مبسوطة أكتر، انا عايزك تكوني مبسوطة أكتر في الوقت اللي بنقضيه سوا. اعمل شوية تغيرات: ممارسة الجنس في نفس المكان كل يوم لمدة شهور و على نفس السرير بيزهق الست جدا و بيحسسها بالملل حتى لو ماقالتش كده ،عشان كده خليك انت ذكى و غير إضاءة الأوضة أو ولع شموع...

Read More
اعرفي ليه جوزك بيحب القهوة أكتر منك
Jan23

اعرفي ليه جوزك بيحب القهوة أكتر منك

كل الستات معندهاش سبب واضح و قوي تعرف ليه الراجل بيحب القهوة أكتر من البيت ويقعد فيها بالساعات أكتر من البيت و ليه مابيستمعتش بالقعدة معاها و مع الأولاد و ازاي اصلا بيستمتع بالقعدة على كرسي خشب و القعدة مع رجالة في دوشة و زحمة و دخان و زعيق و خناق لكن اللي كل ست ماتعرفهوش هو إن في 5 أسباب تقريبا بتخلي الراجل يحب القهوة أكتر من البيت عشان كده هنقولهملك: ما بيترفضلوش طلب : أكيد عمرنا ما سمعنا عن راجل قال للقهوجي إنه عايز واحد شاي أو كوباية قهوة و القهوجي رد عليه و قاله قوم إعملها لنفسك عشان أنا تعبان أو قاله أغسل الكوباية اللي شربت فيها، و حتى لو القهوجي تعبان و عنده مواعين كتير عمره ما هيرفضله طلب ولا هيكون في نقاش على الطلب ده يعني لما بيقول للقهوجي واحد شيشة ما بيقلوش كفاية دخان بقى عشان صحتك ، لا طبعا مفيش رغي و لا طول كلام و لا رفض. بيتكلم براحته : استحاله الراجل هيكون بيحكي عن مديرة أو صحابه البصبصين و هيلاقي صاحبه اللي قاعدة معاه على القهوة بيقولوا ما تلاقيك أنت كمان زيه كلكوا صنف واحد، والطينة من العجينة، استحاله يسمعها من صاحبه في حين إنه لما بيقولها في البيت بيسمع ده و أكتر . الراجل على القهوة بيتكلم براحته بيقول كل الألفاظ اللي نفسه فيها لا حد بيقوله بس عشان الولاد و لا عيب كده أنت قاعد في البيت ولا احترم نفسك ، ده مابيخفش يقول إنه زمالكاوي على القهوة في حين إنه ممكن يخاف يقولها في البيت. بيتصرف براحته : مش ممكن راجل يقعد في ركن على القهوة و بعدين يجي القهوجي يقوله قوم من هنا عشان لسه منضف الحته دي ، استحاله القهوجي يتحكم في مكان قاعدتك حتى لو لسه سايبه بيبرق، بالعكس ده هيبقي شايفك بتقشر سوداني و توقع تحتك و عمره ما هيقولك أنا لسه منضف لكن في البيت لو وقع منك فردة شراب هتقوم تجيها غصب عنك، ولا هيتكتب عليك المكان المتوسخ عشان هو لسه منضف. بيحس برجولته: استحاله و انت بتتفرج على أي حاجة عجباك على القهوة هتلاقي صاحبك الراجل بيمسك ريموت التليفزيون ويغير القناة عشان القناة بيتعرض عليها فيلم مذكرات مراهقه أو كليب بوس الواوا و بيحول على القناة اللي جايبه المسلسل التركي، بالعكس الراجل لو بيتفرج على كليب بوس الواوا مع صاحبه، صاحبه هيقوله يا جدع كفايه كده هتاكلها بعنيك فالراجل هيبدأ يحس برجولته لكن لو مع مراته الوضع هيبقي أصعب بكتير و مش لازم نتكلم عنه و ندخل في تفاصيل . بيفتكر أيام العزوبية: بيفتكر أيام العزوبية اللي ملينه بالأكل و الشرب و التهريج و الضحك بصوت عالي و الكلام ده كله بيحصل على القهوة لأن في أغلب الوقت البيت بيبقي خالي من الضحك و الهزار و الفرفشة و ده عشان...

Read More
طرق عشان جوزك يساعدك في البيت و تربية الأولاد
Dec26

طرق عشان جوزك يساعدك في البيت و تربية الأولاد

ضغط البيت بيبقي كتير جدا على أي ست خصوصا لو شالت الضغط ده لوحدها أو لو بتشتغل كمان ، و في رجاله مابتساعدش في شغل البيت أو حتى تربية الأولاد حتى لو زوجاتهم بيشتغلوا، طيب أكيد دي مشكله كبيره جدا عليكي و لازم تحليها مع جوزك عن طريق المشاركة، لكن المشكلة إن صعب الراجل يقتنع بحل المشاركة لو كان واخد على الدلع و شايف إن ده حقه و طبيعي إنك تتعبي عشان أولادك وبيتك و جوزك، لكن حاولي تقنعيه و ماتزهقيش و استخدمي الطرق دي : أول حاجة أطلبي منه المساعدة بطريقة مباشرة و بلاش تلمحيلة عشان عقل الرجاله ممكن يفهم ده غيرة و صعب يفهم إنه تشبيه أو تلميح عليه. ابدائي هيئي و مهدي لجوزك من و انت حامل و فهميه إن مسؤلياتك هتكتر و لازم تتشاركوا فيها، و خليه يشاركك في زيارتك للدكتور عشان تطمنوا على الجنين و شراء هدوم المولود. لو محتاجة مساعدته و خايفه إنه يبوظ حاجة أو مايعملهاش كويس، اطلبي المساعدة بخطوات و قوليله على الخطوات كلها بالتفاصيل و بلاش تخافي من المساعدة. بلاش تسخري أو تتريقي على أسئلته لإن أكيد انت عندك شوية معلومات قبل الولاده قرتيها أو إكتسبتيها لكن الراجل غيرك عشان كده شاركيه باللي تعرفيه لإنه أكيد هيبقى حريص يعرف أكتر. ماتعتمديش عليه في كل حاجه لإنه هيساعدك بس و اعرفي إنك الأساس فلازم تديله وقت فراغ، و هو كمان لازم يسبلك وقت فراغ لما يساعدك . اتكلمي معاه و صححي مفهوم إن الطفل الرضيع مابيحسش بالحنان وإنه لازم يبقي قريب منه من الأول عشان ياخد عليه لإن الرضيع بيحس بكل حاجه زي الحب و الحنان و الحضن من أول ما بيتولد . نظمي خروجات تكونوا فيها سوا و بدلوا الأدوار شوية، يعني هو ممكن يشيل الطفل و أنت تشتري الحاجات اللي محتاجنها و لو هو تعب بدلوا الأدوار تاني في الخروجات دي...

Read More
هتتعاملي ازاي مع الراجل المشغول
Dec15

هتتعاملي ازاي مع الراجل المشغول

أكيد كل البنات و الستات مروا بفترة عانوا فيها من الراجل المشغول ، دايما بيكون إحساسها إنه مش مهتم بيها و إنه ما بقاش يحبها زي الأول و عشان كده بتتهمه بالتجاهل و الأهمال و ممكن يوصلهم إنهم ينهوا علاقتهم ببعض لإنه بيتهمها إنها نكدية و مش قادرة تستحملة، عشان كده لازم تتعملي مع الراجل المشغول أو اللي شيفاه مش مهتم بذكاء، اتعملي بذكاء عن طريق الخطوات دي : قدري دايما الشئ اللي مشغول عنك بيه و اللي غالبا بيكون شغله . اوصفيله قد ايه انت مبسوطة لما بيهتم بيكي و فكريه باللحظات الحلوة اللي بينكوا و اللحظات اللي اهتم بيكي فيها. ما تقارنيش كتير بين بداية علاقتكوا و ما تكلميهوش كتير عن إنك حساه مبقاش يحبك زي الأول، بس استخدمي ذكائك بإنك تقوليله إنك هتبقي مبسوطة و سعيدة لو بقيتوا زي بداية علاقتكوا تاني. غيري من نفسك و من شكلك و خليكي مرحة وواثقه في نفسك و في مكانتك عنده بدل من الشك . دخلي لحياتك اهتمامات مختلفة و جديدة عشان تساعدك على التغير . اخلقي مجال مشترك بينكوا و ثقفي نفسك فيه أكتر عشان يكون في بينكوا كلام أكتر . كل مرحلة لها متطلباتها افهمي النقطة دي كويس عشان تعيشي أكتر...

Read More
أماكن رومانسية للسفر مع جوزك في رأس السنة
Dec11

أماكن رومانسية للسفر مع جوزك في رأس السنة

طول السنة بيكون عندك مسؤليات كتير و خصوصا لو انت متجوزة هتحسي بضغط أكتر عشان مسؤليات البيت و الأولاد و لو بتشتغلي، وحاجات كتير ملهاش نهايه بتكون ضغطاكي و مأثره على علاقتك انت و جوزك ، عشان كده لازم و انت بتبدأي سنة جديدة مع شريكك أو جوزك بعيد عن المشاكل و الضغط و المسؤليات ولو لليلة واحدة، و اليوم أو الليلة دي لازم يكونوا بره المحافظة اللي انتوا عايشين فيها، يعني حاولوا على قد ما تقدروا تسافروا في رأس السنة بره القاهرة خصوصا لإنها مكان مليان و زحمة غير أن خروجكوا فيها ممكن يسبب مشاكل زيادة اصلا، و السفر جوه مصر دلوقتي بقي مصاريفه مش كتير ممكن يكون نفس مصاريف خروجهة في القاهرة أو اسكندرية عشان كده خلينا نقولك أوفر و أكتر الأماكن رومانسية ممكن تسافريلها مع جوزك في رأس السنة . الأسكندرية : اسكندرية معروف عنها إنها مصيف حلو جدا و بتكون زحمة جدا في الصيف عشان كده جددي انت و روحيلها في الشتاء، لأنها بتكون مش زحمة في الوقت ده و فيها سقعة في بداية السنة، والشقق و الفنادق فيها رخيصة و تكلفيتها قليلة، و كمان البحر و القعدة قدامه هتخلق جو حلو بينك انت و جوزك جدا. شرم الشيخ شرم الشيخ فيها بحر و صحرا و عشان كده تعتبر من أكتر الأماكن سحر و جمال و خصوصا محمية رأس محمد لإنها محمية طبيعية فيها شعب مرجانية و أماكن طبيعية هتساعدك على الأستجمام و الأسترخاء و جو شرم الشيخ في رأس السنة و الشتاء فيها أحلي من الصيف لإنها بتعتبر مشتي مش مصيف و ممكن كمان تعملوا زيارة سريعة قصيرة لجزيرة تيران. الجونة : الجونة لقبها هى اللؤلؤة المدفونة على ساحل البحر الأحمر و هى تقريبا أحسن مكان للأسترخاء و الهدوء لو انتوا محتاجين للهدوء والأستجمام ،و شاطئ “زيتونة” من أحلي و أهم الشواطئ فيها هو و مرسى اليخوت. الأقصر و أسوان : الأقصر و أسوان من أحسن الأماكن اللي بتعتبر مشتي في مصر و ده بسبب الدفي اللي فيها عكس كل المحافظات، الأقصر و أسوان في فرق بينهم في الطريق تقريبا 3 ساعات و نص بس الرحلة متكملش الا لو كانوا الأتنين سوا، من مميزات الأقصر و أسوان إن ممكن تجربي فيها رحلة القوارب النيلية و اللي بتكون عبارة عن أنك تروحي أسوان من الأقصر عن طريق النيل بالقوارب وده بيكون قمة الأستمتاع و هى تجربة مختلفة، ده غير زيارة الأماكن الجديدة زى معبد الكرنك و معبد الأقصر و اللي بتحسسك أنك في لوحة فنية، و أسوان كمان و النوبة، الألوان فيها و البيوت و زيارة المعابد قادرة تجدد روحك و تخليكي تكملي باقي السنة سعيدة و مبسوطة . سانت كاترين و دهب و نويبع : هما الأماكن اللي لسه محتفظة بجمالها و طبيعتها عشان كده السفر فيهم دايما بيكون أحلى بالتخيم في الصحرا و...

Read More
لو شريكك غامض اعرفي طرق تقربيله بيها
Dec05

لو شريكك غامض اعرفي طرق تقربيله بيها

الراجل الغامض أصعب أنواع الرجالة تقريبا اللي ممكن تتعاملي معهم، حتى سعاد حسني غنيتله و قالت “الراجل الغامض بسلامته”، لكن غالبا بيكون شخصية مثيرة وجذابة و الفضول دايما بيسبب أنك تقربي منه عشان تعرفي ايه جواه و تتعرفي عليه أكتر، المشكلة فعلا لو حبتيه أو جوزك كان غامض، بس مش كل راجل مابيوضحش اللي بيحس بيه يبقي غامض، معنى الراجل الغامض أن يبقي الشخصية اللي دايما بتنكر مشاعرها لدرجه ممكن تحسسك أنه ماعندوش مشاعر أصلا،فهو الشخصية اللي بتسرق الفرح من اللي حوليها و مابتكونيش عارفة تتوقعي هيعمل ايه، عشان كده هنقولك لازم تتصرفي معاه ازاى: أول الخطوات لازم تتفهمي أنه بيحب يكون لوحده فترة على الأقل، و ماتقلليش من قيمة مشاعرة عشان يحس إنك مهتمه بيه، لإن أكيد هيجي اليوم و هيحب يشاركك مشاعره. شغيري من نفسك في شكلك و في تصرفاتك و غيري شكل بيتك، اكسري الروتين اللي بينكوا عشان ده أكيد هيأثر على علاقتكوا بالإيجاب حتى لو كان غامض. الراجل الغامض مابيحبيش يتكلم و مابيحبش يحكي كتير عشان كده بلاش تضغطي عليه بكلام كتير ولا تحكيله مواضيع كتير مش مهمه من باب الفضفضة، لازم تختصري كلامك معاه عشان خير الكلام ما قل و دل. بلاش تستسلمي أو تملي في كشف الغموض ده، لإنك لو استسلمتى معني كده إنك بتخسريه للأبد، حاولي إنك تتعاملي معاه بحنان و قدمي انت الحب الأول و اعرفي إن مع الوقت هيكون كتاب مفتوح بين...

Read More
Facebook IconTwitter IconVisit Our InstagramVisit Our Instagram