5 فوايد صحية لرياضة المشي

30/09/2015

المشي

على الرغم من أن ناس كتير بتشوف أن رياضة المشي رياضة سهلة وممكن تكون ملهاش فوايد كتير، بس هى على العكس رغم سهولتها فوايدة كبيرة.

أولا: تقلل الضغوط اليومية:

رياضة المشي بتساعد على إفراز هرمون “اندروفين”، واللي بيشبه مادة “البروفين” اللي بتساعد الجسم على الشعور بالراحة والسعادة، وكمان بتخلص الجسم من الضغوط اليومية، والتوتر والقلق.

ثانيا: مرونة الجسم:

من الطبيعي مع تقدم السن وقلة الحركة بتقل مرونة الجسم، وده بيأدي أن العضلات، والأوتار، والأربطة المحيطة بالعضلات والمفاصل تبقى متصلبة، وغير قادرة أنها تقوم بنشاطها الطبيعي، لكن المحافظة على رياضة المشي بتقدر تخلي العضلات أكتر نشاط.

ثالثا: تحسين أداء الجهاز التنفسي والدوري:

في عضلات كتير بيتم تنشطها خلال رياضة المشي، زي الرجلين، والظهر، والحوض، والإيدين، والقلب، والمشي بيرفع من كفاءة عضلة القلب.

رابعا: حل المشاكل:

المشي بيبعدك عن المشاكل اللي بتواجهك، وبيصافي ذهنك، فبيخليك بتفكر في المشاكل من بعيد وتلاقلها حلول.

خامسا:تقوية العضلات الضعيفة:

في دراسات كتير بتقول أن رياضة المشي بتعمل على تقوية العضلات الضعيفة، والمترهلة، وكمان بتساعد على دخول الهواء في الرئيتين، وتحسين مرور الأكل في الجهاز الهضمي، وبشكل عام بترفع من أداء أجهزة الجسم.

Facebook IconTwitter IconVisit Our InstagramVisit Our Instagram