5 خطوات للتخلص من الانتفاخ حول العينين

27/01/2016

2

قلة النوم والاجهاد، وأسباب تانية بتأدي لظهور الانتفاخات عند الستات، الأمر اللي بيخليهم يبانوا أكبر، بس ممكن بطرق سهلة تعالجي المشكلة دي:

أكياس الشاي:
من أهم الطرق لعلاج إنتفاخ العينين هو استخدام أكياس الشاي الدافية، ووضعها على البشرة لامتصاص السوائل المتسببة في الانتفاخ.

الترطيب:
من أهم الاسباب اللي بتسبب الانتفاخ قلة الترطيب، عشان كده لازم تحرصي على ترطيب بشرتك خصوصا بعد تعرضها للغبار والأتربة، وإشعة الشمس، عشان كده لازم تشربي مياة كتير وترطبي بشرتك.

بقايا المكياج:
أنك ما تشليش المكياج بشكل كامل بيسبب التهابات وانتفاخات حوالين العين عشان كده احرصي على إزالة المكياج بشكل كامل.

شرائح البطاطس والخيار:
ممكن تستخدمي شرايح البطاطس ككمادات للعين والمنطقة المحيطة، عشان تتخلصي من الانتفاخ، وسبيها لمدة 15 دقيقة.
وكمان شرايح الخيار بتقوم بنفس الدور.

النوم:
لازم تنامي بشكل كافي لأن قلة النوم من مسببات الانتفاخات حول العين.

Facebook IconTwitter IconVisit Our InstagramVisit Our Instagram