5 حاجات شريكتك هتتكسف تطلبهم منك في العلاقة الحميمة

21/02/2017

العلاقة الحميمة

في عالم أحسن أكيد هتقدر تحس بكل رغبات شريكة حياتك وخصوصا في العلاقة الحميمة، و كان هيبقي أحسن برضو لو عرف كل اتنين يعبروا لبعض بوضوح عن رغباتهم و احتاجاتهم من بعض، لكن للأسف دي مش حقيقة ، و في الوقت اللي فاكر فية شريكتك بتقولك كل رغباتها و احتياجاتها، فاحتمال يكون في بعض الأفعال و الحاجات اللي بتتكسف تطلبهم منك، و من حسن حظك إننا هنقولك على أكتر حاجات مشتركة البنات مابتقولهاش لكن بتتمناها في العلاقة الحميمة:

  • إنك تبصلها في عنيها:

man-woman-kissing-eye-contact

الستات دايما بيحبوا يكون في تواصل قبل و بعد و في العلاقة الحميمة عشان كده لازم تستخدم التواصل بالعين و مش لازم يكون وقت العلاقة الحميمة بس، لإن التواصل بالعين لازم يكون وقت العلاقة الحميمة و في غيرها، و لكن ده مش معناه إنك ماتبصلهاش خالص أو تستخدم التواصل بالعين كتير لإنه في بعض الأوقات بيكون مخيف.

 في ستات كتير مابيعرفوش يقولوا لشريكهم إنهم محتاجين “يدلعهم ” أكتر، فمن أهم الحاجات اللي لازم تعملها إنك تعبر لشريكتك قد إيه هى مهمة عندك، زي إنك تجبلها ورد، نقولها قد إيه انت بتحب تاخد بالك منها أو قد إيه أنت محظوظ عشان هى في حياتك، و ده لإن أغلب البنات بتحب  تحس إنها في أمان أكتر من إنها تستمتع بكونها مع راجل في علاقة و جزء من إنك تحسسها بالطمأنينة و إنها أول حاجة في حياتك بأفعالك و كلامك كمان.

  • وصلها للنشوة الجنسية بطرق مختلفة:

unnamed-1

برضو بنات كتير هتتكسف تطلب منك ” الجنس الشفوي ” لأنه مش حاجة سهله بالنسبة ليهم إنهم يقولوها و زي ما كتب كتير قالت إن في قاعدة عند البنات و هى ” أنا الأول، وبعدين انت، و دلوقتي احنا الاتنين” و ده لأن في بنات كتير صعب توصلهم للسعادة ، و ده لإنهم هيخافوا شريكهم مايحبش ده أو يتقفل منهم .

  • النشوة الجنسية ليكوا انتوا الاتنين:

50-shades-of-grey-4

بالرغم إن بعض البنات بتكون متفقة مع فكرة نوم الراجل بعد الوصول للنشوة الجنسية، إلا إنه ده مابيكونش رد الفعل اللي بيخليها ترجع تاني و تحتاجك، و خصوصا لو كانت هى ماوصلتش للنشوة ، و عشان كده لازم تتأكد إن شريكتك وصلت للنشوة الجنسية قبلك لإن في بعض الرجالة بتركز بس على نفسها.

  • اديها اهتمام أكتر:

couple-bed

محدش بيقولك تقرا الأفكار أو تعرف الغيب لكن لو عرفت تنتبه كويس للغة جسد شريكتك و سلوكها، هتقدر تفهم الحاجات اللي بتحبها و اللي بتكرها أو لو هى عايزة حاجة مختلفة أو جديدة، استخدم جمل زي أقدر أعمل ايه أكتر أو أقل عشان تبقي مبسوطة أكتر، انا عايزك تكوني مبسوطة أكتر في الوقت اللي بنقضيه سوا.

  • اعمل شوية تغيرات:

couple-sex-bathtub

ممارسة الجنس في نفس المكان كل يوم لمدة شهور و على نفس السرير بيزهق الست جدا و بيحسسها بالملل حتى لو ماقالتش كده ،عشان كده خليك انت ذكى و غير إضاءة الأوضة أو ولع شموع مثلا، أو اسمعوا مزيكا، أو غيروا المكان لأوضة المعيشة و ممكن كمان تفاجئها بمكان مختلف و رومانسي زى أوتيل

 

Facebook IconTwitter IconVisit Our InstagramVisit Our Instagram