4 وصفات طبيعية لتفتيح الجلد حول الفم

29/11/2015

Lovely Lips

من أكتر المناطق اللي بيكون محرج جدا أنها تكون غامقة المنطقة اللي حوالين الفم، عشان كده جربي الوصفات الطبيعية دي لتفيحيها.

1- العسل والليمون:
اخلطي كمية متساوية من العسل وعصير الليمون، وحطيها حوالين الفم لمدة ساعة وبعد كده امسحيها بقطعة قماش نضيفة ومبللة ، كرري الوصفة 3 مرات في الأسبوع.

2- زيت اللوز وزيت جوز الهند:
اخلطي كمية متساوية من زيت اللوز، وزيت جوز الهند في أزازة نضيفة، واستخدمي الخليط مرة في اليوم كدهان للشفاة والجلد قبل النوم.

3- الجليسرين والليمون:
التشققات وجفاف البشرة ممكن يكون من أسباب اسمرار الجلد حول الفم، عشان كده اخلطي كمية متساوية من الجليسرين وزيت الخروع، وعصير الليمون وحطي الخليط يوميا قبل النوم وهتلاحظي الفرق بعد أسبوع.

4- عصير الخيار:
استخدمي عصير الخيار أو شرايح الخيار الطازجة في تدليك الجلد المحيط بالفم مرتين يوميا.

Facebook IconTwitter IconVisit Our InstagramVisit Our Instagram