أهم معلومات عن تربية القطط
Nov30

أهم معلومات عن تربية القطط

تربية الحيوانات بتدي روح لبيتك و حياتك، بتديكي إحساس بالمسؤلية نحيتها، و بتحسي إنهم ولادك تقريبا، من كتر ما بتدلعي فيهم و من كتر حبك و إهتمامك بيهم، تربية الحيوانات و خصوصا القطط من أكتر الحاجات اللي بتميز البنات، وده لإن القطط هادية جدا و مش مزعجة و بتسمع الكلام، بتحسسك كأنها طفل معاكي في البيت، لو عندك قطط أو هتجيبي قطط لازم تعرفي هتهتمي بيهم ازاي: لازم تعرفي هتاكليهم إيه و أهم حاجة في الأكل إنك ما تجبريهمش على أكل هما مش عايزينه و تنوعي الأكل بين معلبات و أكل بيت و الأكل المخصوص بتاعها. اعرفي برضو الأمراض اللي بتيجي للقطط زي مرض العطس و هو إن بيكون عندها عطس -زي البشر_ و بيكون معاه إفرازات من الأنف و العين عشان كده لازم تطعميها في عمر 8 أو 9 أسابيع ، و كمان ممكن تتصاب بمرض إلتهاب الأمعاء المعدي و لازم تطعميها برضو من المرض ده لإنه خطير جدا و ممكن يوصل لحد الموت. القطط كائنات نظيفة جدا وبتنضف نفسها أول بأول المهم تساعديها بإنك تمشطيلها شعرها، و تحميها كل أسبوع بالشامبو الخاص بيها أو بالصابون لإن الشامبو العادي هيسببلها تساقط في شعرها. هيكون أحسن لو استخدمتي الرمل الصحي للقط عشان تعمل حمام فيه و تغيريه كل فترة، و ممكن بعد الأسبوع الخامس أو السادس تعوديها تستحمى بالرمل. القطط بتتجوز في شهور معينة و ليها موسم تزاوج زي شهر يناير و فبراير و مارس و لما بتحمل القطة مدة حملها بتكون 63 يوم تقريبا و بتولد من 3 ل 8 قطط...

Read More
إطلالة إكسسواراتك مميزة باللون الأسود في الشتاء
Nov30

إطلالة إكسسواراتك مميزة باللون الأسود في الشتاء

اللون الأسود معروف إنه ملك الألوان دايما، عشان بيتلبس عليه أي لون و لما بيتحط على أي لون بيحليه ،بس السنة دي كمان الموضة بقت أنك تلبسي أكسسوارات سودا، من غوايش ، وسلاسل، خواتم، وحتى حلقان. الموضة دي بقالها فترة منتشرة بس الشتا ده انتشرت بشكل أكبر وأوسع ويمكن عشان اللون الأسود من أكتر الألوان اللي بتميز فصل الشتا، خلي إطلالاتك مميزة بأكسسوارات...

Read More
اعملي الشمع المعطر لبيتك بنفسك
Nov30

اعملي الشمع المعطر لبيتك بنفسك

من أهم الحاجات اللي بتميز بيتك و جماله إن يكون ريحته حلوة دايما و ده بيخلي المكان يبان إنه نضيف ومحدش هيضايق، خصوصا لو عندك عزومة أو عاملة أكل، ريحة الأكل بتكون ظاهرة وواضحة جدا في البيت ، و مش هتروح بإنك تفتحي الشبابيك و تهوي البيت بس، معطر الجو بيحل المشكلة دي بسرعة، بس في حلول سهلة تقدري تعمليها لو ماعندكيش معطر جو في البيت زي الشمع المعطر، الشمع المعطر كمان ممكن تستخدميه لو هتعملي زي الأفلام و تسهري انتي و جوزك سهرة رومانسية، خطوات الشمع المعطر بقى : سيحي الشمع في صنية على النار وحطي عليه الزيت العطري. حطي فازلين في القوالب أو المجات اللي هتحطيها فيها و حطي الشمع في القوالب و قبل ما يتجمد اعملي ثقب في القوالب ببنسة شعر. حطي الألوان مكان ثقب البنسة وحطي فتلة الشمعة كمان في الثقب، الألوان دي بتكون صناعية أو طبيعية ممكن تستخدمي ألوان طبيعية زي دم الغزال عشان اللون الأحمر، أو الزهرة عشان اللون الأزرق أو الكركم عشان يديكي اللون الأصفر. حطي القوالب في مياة دافيه عشان الألوان تدخل في بعضه تقدري كمان تستغني عن القوالب و تستخدمي مكانها برتقالة بإنك تجيبي برتقالة و تقسميها بالنص، و تفضيها أو تعصريها، و خلي القشرة البيضاء الرفيعة اللي في النص، فضي الشمع في البرتقالة من غير زيت عطري و بكده هتعملي شمع معطر من غير ما تكلفي نفسك كتير بإمكانيات بسيطة عندك في...

Read More
طرق بسيطة لتنقية المياه لحماية طفلك
Nov30

طرق بسيطة لتنقية المياه لحماية طفلك

مياه الشرب مش دايما بتكون صحية لطفلك ، خصوصا إن الأطفال مناعتهم ضعيفة و أقل من الكبار ،و أضرار المياه بتظهر على المدى الطويل و بيكون صعب علاجها زي فيروس”سي” و أمراض الكلى و ممكن تسبب لطفلك نزلات معوية، و أكيد المياه المعدنية و كمياتها الكتير هتبقى تكلفة عليكي و على بيتك ،و الفلاتر ممكن تبقى تكلفة عليكي برضو عشان كده هنقولك على خطوات بسيطة تعمليها عشان تصفي المياه من الشوائب و تنقيها لصحة طفلك و لصحتك كمان: -اعملي فلتر بالقماش عندك في البيت عن طريق إنك تجيبي برطمان إزاز و تربطي على فوهته قماشة أو شاشة نضيفة و تثبتيها بخيط، و صبي المية ببطء على القماشة و استخدمي المياه اللي جوه البرطمان. -حطي كمية من المياه في حلة كبيرة على النار و خليها تغلي و لما تغلي متقفليش النار عليها، سبيها تغلي 5 دقايق كمان و اقفلي النار عليها، سبيها تبرد شوية وحطيها في أزايز . -اشتري أقراص تنقية المياه و بتكون أقراص كلور أو يود، و حطي في كل لتر مياه قرص واحد لحد ما يدوب خالص، وما تستخدميش المياة قبل ساعة، لكن خلي بالك لازم تستشيري دكتور قبل استخدامها لو انتي حامل أو في كبار سن أو حد مريض بالغدة الدرقية هيشرب من المياه . -هاتي إزازة مياه بلاستيك و اقطعيها بالنص و اعملي ثقوب في غطا الإزازة، املي الجزء الأسفل من الإزازه بالقطن، حطي على القطن رمل و صخور و نوى المشمش الناشف بعد تنظيفه و تجفيفه، حطي نص الإزازة التانية تحتها و صبي المياه فوقها ببطء ....

Read More
أكلات تتجنبيها..وأكلات مهمة قبل فرحك
Nov29

أكلات تتجنبيها..وأكلات مهمة قبل فرحك

الأكل من أهم الحاجات اللي لازم تاخدي بالك منها لإنه من أهم عوامل نضارتك أو عدم نضارتك و كمان لإنك هتبقي عروسة فالأكل ليه أضرار بتظهر عليكي ، الأكلات الللي لازم تبعدي عنها زي : الأكلات اللي فيها نشويات زي المكرونات و الأرز و البطاطس و تجنبيهم يوم فرحك خصوصا لإنهم بيسببوا غازات فى المعدة. الأكلات الحريفة لأنها بتسبب ريحة كريهة لفمك و بتسبب عسر هضم و حرقان في المعدة فحاولي تتجنيها قبل فرحك بشهر تقريبا. المشروبات زي الشاي و القهوة لازم تتجنبيها فترة برضو قبل فرحك لإنها بتزود الحبوب في بشرتك و بتدر البول. ابعدي برضو عن منتجات الألبان و الزبادي لإنها بتسبب تهيج المعدة و خصوصا يوم فرحك. أما بقى الأكلات اللي لازم تحافظي عليها قبل فرحك فهي الأكلات اللي هتفيدك و هتغذيكي و هتغذي بشرتك و شعرك وهي : الجرجير من أكتر الأكلات اللي ليها فوائد للبشرة و الشعر و عشان كده لازم تحفظي عليه لإنه هيخلصك من أزمة تساقط الشعر. الخضروات و الفاكهة بصفة عامة لإنها بتحتوي على أملامح معدنية و مضادات أكسدة. اللوز،مستحضرات تجميل كتير غنية بزيت اللوز عشان كده اللوز مهم جدا ليكي و لبشرتك و...

Read More
Facebook IconTwitter IconVisit Our InstagramVisit Our Instagram