سحر النجاح
Jul31

سحر النجاح

كتبت: هبة عشماوي طعم النجاح من أحلى الجمل اللي ممكن تسمع أي حد بيقولها، بيبقى في زي لامعة كده في العين لما الواحد بيبقى فرحان ومبسوط، والنجاح مش لازم يبقى في الشغل بس أو مذاكرة بس، ممكن نجاح في علاقتك بالناس، علاقتك بعيلتك، نجاح في حل المشاكل، نجاح في إنك تبسط حد لو حتى ماتعرفوش أو إنك تديله أمل في إنه يقدر يعمل حاجة… طيب ليه طعم النجاح حلو؟ عشان بتحس بإحساس مختلف، إنتصار كده، بتعكس كلام ناس كتير عنك، بتحطم أي نظرة حد ليك كان محسسك بالفشل، طعم النجاح حلو عشان الواحد لما بينجح بيشوف الدنيا بشكل أحلى، بيبقى مستعد يساعد طوب الأرض ويحسسهم بنفس الفرحة اللي جواه، بتبقى فرحة ماتتوصفش، هتلاقي الشخص في كلامه بيبقى مختلف ويا سلام لما تبقى حاجة بيحبها وتعب فيها أوي وفي الآخر جابت نتيجة…إحساس مايتوصفش، فرحة وسعادة بيبقى مبالغ فيها كده بطريقة حلوة. النجاح بيبقى زي جرعة كده بتجدد خلايا جسمك كلها، بتديلك القوة وبتقدر تستحمل حاجات كتير، يعني ببساطة النجاح ممكن يخلي الواحد يتغاضى عن مشاكل كتير في حياته لإنه بيبقى ناجح وقادر يبسط الكل فا في حاجات كتير مش بيركز فيها، بتبقى حاجة كده زي نظام “يا سيدي كبر دماغك”. على فكرة زي ماقولنا النجاح مش لازم يبقى حاجة ليها علاقة بالإجتهاد والنجاح برضه أحيانا بيبقى...

Read More
استخدمي الطمي المغربي  للشعر والبشرة
Jul31

استخدمي الطمي المغربي للشعر والبشرة

الطمي المغربي كنز لو داومتي على استخدامه كحمام للشعر وماسك للبشرة هيفرق معاكي في وقت قليل، الموضوع مش مكلف خالص الطمي من العطار و نبدأ نعمل خلطة، للبشرة بنخلط الطمي مع شوية مياه لو بشرتنا دهنية أو مع لبن لو بشرتنا جافة و نوزع الماسك على الوش ماعدا منطقة العينين طبعا، كمان ممكن نستخدمه على الإيدين  ومنطقة الكوع  والركبتين وبيساعد على تقشير البشرة وكمان التفتيح وتنضيف البشرة من الجلد الميت، نسيب الماسك على البشرة مدة نص ساعة. إما بقى الشعر فممكن نستخدم الطمي مع الزيت المناسب لنوعية الشعر كحمام، نضيف الزيت على الطمي ونخلطه كويس ونوزعه على الشعر بشكل متساوي ولازم يوصل لفروة الرأس علشان بيخلصنا من الدهون والقشرة، كمان بيساعد على منع تقصيف الشعر نهائيا، نستخدمه كل أسبوع وهنحس بالفرق....

Read More
غيرة الراجل من حيواناتها الأليفة
Jul31

غيرة الراجل من حيواناتها الأليفة

معظم البنات والستات بتميل للحيوانات الأليفة أكتر زي القطط والكلاب والعصافير بتهتم بتربيتها وتتعلق بيها، فيه دراسات إتعملت على علاقة الراجل بالحيوانات الأليفة اللي بتربيها حبيبته أو مراته وأثبتت إن غالبا الراجل بيحس بالغيرة من القط أو الكلب اللي بتهتم بيهم حبيبته أكتر من إهتمامها بيه هو، بيشوف هوسها بتفاصيل تحضير أكله وتنضيف مكانه وإزاي لازم يستحمى وكمان مواعيد الدكتور والمتابعة على إنه إهمال منها لي هو ولتفاصيله، بس في أغلب الأحيان مابيعترفش ب دة ليها يمكن علشان ميزعلهاش او علشان مايبانش إنه بيغير من قط كيوت او كلب صغير ملهوش...

Read More
الولادة القيصرية موضة؟
Jul30

الولادة القيصرية موضة؟

مؤخرا الولادة القصيرية إنتشرت بشكل كبير وبقت غالبية الستات بيختاروها ويفضلوها عن الولادة الطبيعية، طبعا في حالات بتكون طارئة ومحتاجة القيصري علشان يقدروا يحافظوا على البيبي و الأم، بعيدا عن الطوارئ دي فيه التقليعات والموضة اللي ظهرت وخلت الستات كلها عايزة تولد قيصري علشان ألم الولادة اللي مش مضطرة تستحمله مادام البنج موجود، مش هو ده بس السبب كمان اغلبية الستات عايزة تحافظ على رشاقتها وخايفة على جسمها يبوظ من الولادة فبتختار تفتح بطنها، فيه برضو اللي عندهم هوس التواريخ فبيفضلوا يختاروا يوم الولادة كيوم مميز او مناسبة زي رأس السنة او عيد الحب، فيه بقى محبي الأبراج و المهتمين بإن البيبي يبقى برج الأسد مش برج العذراء. ونلاقي الدكاترة بيشجعوا وبيرحبوا بالفكرة ما طبعا تكلفة الولادة الطبيعي تيجي إيه جنب القيصري، الأمهات بقى أكتر حد بيعارض الفكرة علشان خايفين على بناتهم و أحفادهم ويستمروا في مرحلة الإقناع اللي بتكون بجمل زي ” زمان كانت الواحدة تولد من هنا و تقوم تحضر العشا لجوزها ” ” عايزة تمشي ببطنك مفتوحة يا بنتي ” ” مالها الولادة الطبيعي ما أنا ولدتك إنتي و إخواتك و زي الفل أهو “. الزوج بقى وسط كل ده مايعملش حاجة غير إنه يسمع الكلام علشان يجيله إبنه...

Read More
23 وصية من أم لبنتها
Jul30

23 وصية من أم لبنتها

كتبت: هبة عشماوي كل أم بتبقى عايزة بنتها أحسن بنت وتبقى أحسن منها كمان، أنا لما أخلف هعلم بنتي حاجات كتير أوي، أمي علمتهالي ولسه بتعلمهالي، في الأول بنفضل نقول “خلاص حفظنا النصايح والكلام ده يا ماما”، بس بيطلعوا صح في الآخر وكل اللي عايزينه بيبقى مجرد مصلحتنا. هخلي بنتي تعرف الـ23 وصية اللي هيزيدوا مع الوقت واللي في أمهات كتير بيفضلوا يقولوا الكلام ده لبناتهم عشان يخلوهم أحسن ناس وعشان عندهم في الحياة اكتر بكتير مننا. تحترم الناس. تفضل على مبادئها مهما اتغيرت السنين والأجيال. الحب مش عيب والعيب إنها تخبي. تبقى مثال لأولادها ويبقوا فخورين بيها. مافيش حد هيخاف عليها ويحبها قد مامتها وباباها. الدنيا مش سهلة وهتشوف أيام وحشة زي ماهتشوف أيام حلوة. لازم تبقى قد مسئولية الحاجة اللي قصداها. تعمل اللي هي عايزاه مدام مش بتضر بحد ومش بتضر نفسها. شغلها هو أقوى سلاح ليها وماتستغناش عنه تحت أي ظروف. تقول كلمة “لأ” لما الموضوع يبقى محتاج إنها تقولها، لو حتى كلمة “نعم” أسهل وأريح. تسافر وتتعرف على ناس جديدة وثقافات وعادات وتقاليد مختلفة. تتأسف لما تغلط، لأن الأسف مش عيب. ماتضيعش فلوسها على حاجات تافهة وتخلي الفلوس لحاجات تفيدها وتستمتع بيها في حاجات حلوة زي السفر مثلا. العلم مش بيخلص، ماتوقفيش تعليم مهما كان سنك. مافيش حاجة اسمها “عانس” دي كلمة مريضة مجتمعك بيقولها. الجواز مش كل حاجة ولو مش عايزة تتجوزي وناجحة في حياتك وشغلك…ماتتجوزيش. ماتخليش أي حد يكسر من طموحك وأحلامك. عيشي كل لحظة في حياتك وافرحي. ابسطي اللي حواليكي لو حتى بأبسط الحاجات. اصبري، عشان زي مابيقولوا الصبر مفتاح...

Read More
Facebook IconTwitter IconVisit Our InstagramVisit Our Instagram