غلطات في الميك أب بتزود سنك وشكلك
Jun30

غلطات في الميك أب بتزود سنك وشكلك

الميك أب من الحاجات الأساسية في حياة بنات كتير، بس للأسف في كتير بيستعملوه بعدم فهم كده، من غير ما يبقوا عارفين كل حاجة بتتحط إزاي وإيه الحاجات اللي تناسبهم. وده بيؤدي إن شكلك بيبان أكبر وسنك كمان بيبقى أكبر بكتير. في غلطات بقى حاولي تاخدي بالك منها كويس عشان مايبنش شكلك أكبر وتباني بسنك الطبيعي: 1- استعمال كريم الأساس غلط: في ناس بيزودوا جدا في استعماله لدرجة إن الوش بيبقى شكله وحش وهتظهري كبيرة، كريم الأساس ماتزوديش فيه على وشك، يبقى على قد اللزوم يعني، ويبقى معاكي زي اسفنجة المكياج بإنك لما تخلصي تشيلي الزيادة. 2- التقشير: في بنات كتير مش بتهتم بي، بس كل لما بنكبر كل لما خلايا البشرة الميتة بتزيد وبيبقى صعب التخلص منها وده بيكبر في الشكل، عشان كده حاولي تعمليه في كل أسبوع مرة أو مرتين. 3- الأيلاينر: من الحاجات اللي كويس إنك تحطيها عشان بيحلي شكل العين، بس تاخدي بالك إنك تحطيه على حسب شكل عينك. 4- الروج: استعملي الألوان اللي تناسب لون بشرتك وتبين شفايفك أحلى وتفتح الوش كده. 5- اهمال العناية بالإيد: مع كبر السن، بيبان في الإيد جدا إنتي كبيرة ولا لأ، وعشان كده استعملي كريم وقاية الشمس، وفي كريمات كمان بتقلل من ظهور التجاعيد. 6- زيادة البرونزر: زيادة البرونزر في الوش بتكبر من السن، فا بلاش المبالغة فيه، واختاري لون مناسب لوشك، استعمليه عند حدود الشعر وعظام الخد والفك وابعدي طبعا عن العين...

Read More
طرق فعالة وبسيطة للتخدير عند إزالة الشعر
Jun30

طرق فعالة وبسيطة للتخدير عند إزالة الشعر

بنات كتير بتعاني من الألم اللي بيحسوا بيه عند إزالة الشعر وخصوصا طبعا لما يبقى باستخدام الـsweet لأنه بيبقى أصعب من أي طريقة تانية لإزالة الشعر. وطبعا في بنات بتستخدم كريمات قبل لما تبتدي عشان الوجع يقل وفي طرق فعالة عشان ماتحسيش بالتعب والألم بتاع كل مرة. 1- المياه السخنة: قبل لما تعملي سويت، استحمي بمياه سخنة لفتح المسام وتخدير البشرة. 2- تناول الأسبرين: قبل إزالة الشعر بنص ساعة، خدي دواء يكون مسكن ومش هيحسسك بالوجع أوي لأنه هيخدر الجسم بشكل جزئي. 3-  التلج: بعد لما بتخلصي بيبقى في برضه آلام ونعب كده، حطي تلج على المناطق اللي الألم فيها كبير والتلج كمان بيخفف من إحمرار الجسم بس ماتفضليش حطاه لوقت كبير. 4- القهوة والكافيين: حاولي ماتشربيهمش قبل عملية إزالة الشعر بـ4 ساعات، لأنهم بيزودوا حساسية جهازك العصبي وخصوصا على الألم فا يفضل تشربيهم بعد مش قبل. 5- كريمات التخدير: من أسهل الحاجات ومن الطرق الفعالة، اسئلي عليهم في الصيدليات وهيقللوا الألم بشكل كبير....

Read More
استعمالات النوتيلا في رمضان
Jun30

استعمالات النوتيلا في رمضان

  النوتيلا شوكولاتة كده مافيش زيها وطعمها، وطبعا في ناس النوتيلا دي عندهم إدمان، بيحبوا ياكلوها في كل وقت وفي أي مكان وعلى حاجات كتير، ممكن تتاكل بالكريب أو بان كيك أو كيكة أو على تشيز كيك أو بعيش عادي وممكن تاكلوها لوحدها من غير أي حاجة. والنوتيلا في رمضان بتبقى مختلفة شوية عشان ممكن تتاكل بحلويات شرقية كتير زي الكنافة وبلح الشام والبقلاوة والقطايف وممكن جلاش كمان وممكن تبقى حاجة تانية خالض بسكويت ونوتيلا ومارشملو. فا ممكن تجربي تجربيها للعيلة بكذا حاجة زي اللي في الصور. دي حاجات مش صعبة ممكن تعمليها في رمضان ومش هتكلفك كتير....

Read More
فطارك ليوم 13: كفتة فراخ وشوربة كرفس
Jun30

فطارك ليوم 13: كفتة فراخ وشوربة كرفس

الشوربة:شوربة الكرفس المكونات:حزمة كرفس مقطع-بصلة مفرومة-فصين ثوم مفروم-مكعب زبدة -3كوب مرق لحمة-2ملعقة دقيق-كوب لبن -ملح-فلفل أبيض-رشة جوزة الطيب-مستكة-حبهان-ورق لورا.  طريقة التحضير: 1-توضع الزبدة على نار متوسطة الحرارة ويشوح البصل مع الثوم والكرفس ونقلب كثيرا. 2-نضيف المرق ونضيف الملح والفلفل الأبيض وجوزة الطيب والمستكة والحبهان و ورق اللورا ويترك الخليط على نار هادئة حتى الغليان لمدة 10 دقائق. 3-نرفع الخليط ونتركه حتى يبرد وننشل منه حبهات الحبهان وورق الورا قبل أن نضعه في الخلاط. 4-نضع قليل من الزبدة ونضيف الدقيق ونقلب حتى يصبح ذهبي اللون ثم نضيف اللبن مع الخفق المستمر بالمضرب السلك لمنع حدوث تكتلات. 5-يضاف خليط الكرفس المخلوط في الخلاط ونقلب حتى تختلط المكونات جيدا وتقدم الشوربة ساخنة. طريقة عمل كفتة الفراخ المكونات: 500 جرام فراخ مقطعة ومفرومة بصلة متوسطة 3 فص ثوم مفروم 1 بيضة ملعقتين بقدونس مفروم 2 ملعقة دقيق ملح وفلفل وقرفة طريقة التحضير: نخلط المكونات جيدا ونضعها فى مفرمة الخلاط نشكلها ونضعها على عيدان خشبية ثم نضعها فى صينية مدهونة بقليل من الزيت وندخلها الفرن لمدة ساعة حتى تنضج. عصير الليمون بالصودا والنعناع المكونات علبة صودا نصف كوب عصير ليمون ورق نعناع ثلج طريقة التحضير: تخلط المكونات جيدا  وتقدم بالثلج  ...

Read More
فيديو اعملي لأطفالك أشكال من الحيوانات
Jun29

فيديو اعملي لأطفالك أشكال من الحيوانات

أمهات كتير بيبقوا متفرغين لولادهم خصوصا لما يبقوا في سن صغير وبتبقي عايزة تعملي معاهم أنشطة كتير ومختلفة وتشتركوا انتوا الإتنين فيهم وتعوديه إنه يعمل الحاجات بنفسه ويستخدم مهاراته فيها. هتتفرجوا دلوقتي على 3 فيديوهات من برنامج بالهاند، كل واحد فيهم في طريقة حيوان معين بيتعمل بالصلصال بشكل بسيط...

Read More
Facebook IconTwitter IconVisit Our InstagramVisit Our Instagram