15 حيلة للاهتمام بالشفايف وطريقة وضع الروچ

31/10/2016

Beautiful Woman with Black Lace Mask over her Eyes

كل البنات دايما بيحبوا يدوروا عن كل حاجة خاصة بجمالهم وازاي يطلعوا باحلى لوك وإيه الطرق الصح اللي تطلع الميك بتاعنا بشكل مثالي وحلو، هنقولكم على 16 حيلة هتخلي شفايفكم جميلة ومغرية.

1-  حطي زبدة كاكاو:

من الحيل وأسرار المكياج اللي هتخلي شفايفك تطلع شكلها أحلى أنك تحطي زبدة كاكاو قبل الروج او أحمر الشفايف كأساس ليه هيطلع الروج بشكل أحلى ده غير أنه هيرطب الشفايف جداً.

2- للون روج طبيعي:

لو عندك لون روج وحاسة أنه فاقع أو أوفر أوي وعايزاه يكون أخف ممكن تعملي حيلة بسيطة جداً انك تحطي منه طبقة رقيقة أوي على نص الشفايف وتفرديها بصوابعك على شفايفك كلها بالطريقة دي اللوك هيطلع طبيعي اوي.

3-  لشفايف ممتلئة:

لو عايزة شفايفك تبان ممتلئة أكتر، كل اللي هتعملية أنك هتحطي طبقتين من الروج، الطبقة الأولى على شفايفك كلها بلون غامق, والطبقة التانية بلون أفتح على نص الشفايف بس وأمزجي اللونين مع بعض بصوابعك أو بفرشة الروج بالحيلة دي الشفايف هتطلع شكلها ممتليء.

4- عشان تخلي الروج مات:

لو عندك لون روج بيلمع وعايزة تخليه مات ممكن تحوليه بطريقة بسيطة جدا، هتحطي الروج بتاعك عادي وبعدين تجيبي بودرة شفافة تحطيها على شفايفك وتسيبيها لمدة دقيقة وبعدين بالفرشة شيلي أي بودرة زيادة من على الشفايف هتلاقي اللون بتاعك أتحول لمات وكمان هتثبت الروج لفترة أطول.

5-  أعملي الروج بنفسك:

ممكن تعملي روج بنفسك بأي لون أنتي عايزاة بأستخدام الفازلين والأيشادو, كل اللي هنعمله هنجيب الفازلين وأي لون أيشادو عندك عايزة تعملي منه روج وتخلطيه مع الفازلين وكده يبقى الروج جاهز عندك تستخدميه على شفايفك بالفرشة أو بصوابعك.

6- قلم تحديد الشفايف:

قلم تحديد الشفايف اختياره مهم جداً عشان يطلع الشفايف شكلها حلو، المفروض أنه قلم التحديد يكون نفس درجة لون الروج مش أغمق عشان كده أحسن حاجة حاولي تشتري قلم التحديد مع الروج عشان تجيبيه نفس الدرجة.

 7- عشان تحددي الشفايف بدقة:

عشان ترسمي الشفايف بخط دقيق ومظبوط ممكن بعد ما ترسميه تستخدمي منديل أو وسادة قطنية عشان تظبطي الرسمة وتمسحي أي حاجة مش مظبوطة.

8- أعملي تحديد الشفايف بلون جديد:

لو عندك أكتر من قلم تحديد وزهقتي منهم كلهم وعايزة لون جديد ممكن تعملي ميكس بينهم يعني حطي أكتر من لون على بعض هيطلع معاكي لون جديد ومختلف خالص عن اللي عندك

9- أستخدمي طريقة الأومبري:

من الحيل اللي بتطلع شكل الشفايف أحلى وبتبرز جمالها أوي هي طريقة رسم الشفايف أومبري اللي بتعتمد على تدريج لون الشفايف ما بين الغامق والفاتح، ممكن تخلي مثلا الزوايا الخارجية للشفايف غامقة وفي النص أفتح.

10- لشفايف أكبر:

لو شفايفك رقيقة أوي وعايزة تبينيها بحجم أكبر ممكن تعملي ده بحيلة بسيطة أوي أنك بعد ما تحطي الروج جيبي ملمع شفايف وحطيه على منطقة نص الشفايف بس هيدي حجم أكبر لشفايفك.

11- عشان تثبتي الليب جلوس lip Gloss:

من المشاكل اللي بتقابلنا مع الليب جلوس أو ملمع الشفايف أنه بعد ما نحطه بفترة قصيرة بيتلخبط ويسيح وبيخلي شكل الشفايف مش حلو وعشان نحل الموضوع ده بعد ما نحطه ممكن نحط عليه طبقة رقيقة من البودرة الشفافة ونستخدم منديل على الشفايف بطريقة الضغط عشان نشيل بيه أي بودرة زيادة.

12- عشان تبرزي شفايفك:

لو عايزة تبرزي شكل الشفايف أكتر, أرسمي خط بقلم تحديد الشفايف فوق رسمة شفايفك الأصلية وبعدين أملي اللي أنتي حددتيه بالروج, الحيلة دي بتبرز شكل الشفايف أوي وبتخلي شكلهم أكبر.

13- أبعدي عن الروج الغامق:

لما تيجي تختاري الوان الروج حاولي أنك تبعدي عن الألوان الغامقة أوي لأنها بتبين شكل الشفايف أصغر.

14- عشان تخلي شفايفك ناعمة:

عشان تحافظي على شفايفك دايما ناعمة وشكلها حلو, قشريهم بانتظام بأستخدام فرشة السنان أفركي بيها الشفايف عشان تشيلي الجلد الميت وتحافظي عليها ناعمة وصحية.

15 – حطي الروج وملمع الشفايف بطريقة صح:

لو هتستخدمي روج بألوان فاتحة ومنورة أو ملمع شفايف حطيه بطريقة صح وهو أنك تبدأي تحطيه من نص الشفايف الأول وبعدين للزوايا, ده هيخلي الشفايف يطلع شكلها أحلى وممتليء أكتر.

اقري كمان

قشر عين الجمل للتخلص من الشعر الزائد نهائيا 

طرق منزلية سهلة للتخلص من الشعر الزائد على الوجه 

استخدمي الترمس لإزالة الشعر نهائياً 

7  غلطات تخلي الشعر يطلع تحت الجلد بعد حلقه بالشفرة

Facebook IconTwitter IconVisit Our InstagramVisit Our Instagram