10 رجالة اوعي ترتبطي بيهم

20/03/2016

o-WOMAN-SAD-facebook

كل بنت بتحلم باليوم اللي هتتجوز فيه وتكون حياتها المستقلة وعائلتها فلازم تختاري الراجل المناسب عشان كده فوزية بتقولك على 10 رجالة اوعي ترتبطي بيهم.

– الراجل البخيل

البخل أكتر صفة بشعة ميقدرش الواحد يستحملها خصوصاً انه مش بيكون من الناحية المادية بس لأ ده في كل حاجة حتى المشاعر.

– الراجل النرجسي

الراجل النرجسي هو اللي بيخلي البنت تحبه وبعدها يبدأ ينتاقضها في كل حاجة ويقلل من قيمتها فيخليكي إنسانه مهزوزة معندكيش ثقة في نفسك.

– الراجل اللي بيحب الستات

الراجل اللي بيحب كل الستات عمره ما هيقدر يبني بيت أو علاقة زوجية ناجحة لأنه مافيش ست بتملى عينه فهيخونك أو هيتجوز عليكي.

– الراجل اللي معندوش ثقة في نفسه

الراجل للبنت هو السند عشان كده لازم يكون عنده ثقة في نفسه وفي تصرفاته لأنه طول الوقت مش هيقدر يأخد أي قرار في حياتهم.

– الراجل العنيد

الشخص العنيد دايماً بيشوف ان أي مشكلة بتعدي عليه هي تحدي لازم ينجح فيه وبيصر على رأيه حتى ولو كان عارف انه غلط.

– الراجل المتكبر

ده دايماً شايف البنت درجة تانية فهي اقل منه وده طبعاً مش هتقدري تعيشة معاه لأنه هيتفه منك طول الوقت.

– الراجل اللي لسانه طويل

ده مش هتقدري تتعاملي معاه أصلاً لأنه هيهينك طول الوقت وده هيأثر عليكي بشكل كبير وهيقلل من احترامك لنفسك.

– الراجل الكذاب

الكذب يعني شك ومافيش علاقة ناجحة فيها شك لأن الثقة هي أساس أي علاقة عشان كده الصراحة والصدق أحسن حاجة.

– حبيب ماما وبابا

احترام وحب الأهل دي حاجة واجبة متقلقش من أي واحد بالعكس لكن في فرق بين الحب والأحترام والخضوع لدرجة ان ميكنش عنده شخصية قدامهم وبالتالي هيخليهم يتدخلوا في كل حاجة في حياتكم سواء كبيرة أو صغيرة.

– الراجل اللي مبيتحملش المسئولية

أي علاقة هي مسئولية كبيرة بيشلها طرفين العلاقة لكن بالتأكيد الجزء الأكبر بيكون على الراجل فعدم تحمله المسئولية بيتكون كارثة.

اقري كمان

الملل في العلاقة الحميمة ..وكيفية علاجه

خطوات النظافة قبل وبعد العلاقة الحميمة

6 أخطاء تؤثر بالسلب على العلاقة الحميمة

7 أشياء احرصي على فعلها بعد العلاقة الحميمة

Facebook IconTwitter IconVisit Our InstagramVisit Our Instagram