حلم كل بنت من و هى صغيرة إنها تلبس الفستان الأبيض و الطرحة البيضة و عشان الحلم ده يتحقق صح لازم تختاري الموديل اللي هيليق لشكل جسمك و يداري العيوب اللي فيها و تبرز الجمال اللي فيها، عشان كده هنقولك على أهم و أحلى قصات فساتين الزفاف و اللي هى :

• قصة  A :

الفستان اللى على شكل حرف ال  A بيتميز إن شكله كلاسيكي و لكن بيخفي منطق العيوب و ده لإن القماش بيخبي منطقة الفخدين و المقعدة ، و كمان بيظهر أنحف الأماكن في الجسم وبيظهر منطقة الوسط اللي عند كتير من البنات، و كمان ممن مميزاته إن بيظهر البنات القصيرة بطول أكتر.

• إمباير ستايل :

و بيتميز برباط أسفل منطقة الصدر مباشرة، و الفستان بينزل على واسع بعد كده و بيداري منطقة البطن، و بيكون كمان مناسب للبنات الطويلة و اللي قوامها ممشوق و ده عشان الجزء العلوي من الجسم بيظهر أقصر.

• فستان الدوقة:

هو فستان الأميرات و اللي بتكون تنورتة واسعة جدا، و عشان كده هو مناسب للبنات القصيرة و الطويلة و الرفيعة و اللي وسطها عريض.

• فستان عروس البحر:

و هو الفستان اللي بيكون ضيق على الجسم لحد منطقة الفخد أو حتى الركبة و النوع ده من الفساتين بيكون مناسب للبنات الطويلة و رجلها طويلة، و مابيكونش مناسب للبنات اللي بطنها مليانة شوية أو فخادها قوية