نصايح عشان تنقذ شريكتك من إكتئاب بعد الولادة

01/03/2017

إكتئاب الحمل

الأم بعد ما بتولد بتتعرض لحالة إكتئاب بعد الولادة و قلق كبيرة جدا و قلة نوم كمان، و أكتر حد المفروض يكون جمبها في الوقت ده هو جوزها و ده لإنه أكتر حد هيعرف يدعمها نفسيا، عشان كده هنقولك على أهم النصايح اللي لازم تعملها كزوج مثالي :

  • الأول أعرف أعراض إكتئاب ما بعد الولادة:

الأكتئاب ده بيكون خلال أول أسبوعين بعد الولادة، و هو مش مرض عقلي،و غالبا الأم بتتعافي منه بعد فترة قليلة و تلقائي مع الوقت ، لكن لو فترة الأكتئاب كانت أكتر من أسبوعين لازم تروحوا لدكتور و متخصصين و الأعراض عبارة عن التعب و الشعور بالذنب و الغضب السريع و الحزن الشديد و تغير في عادات الأكل و النوم و القلق.

  • خفف عنها و تعاطف معاها:

لو ظهرت أعراض الأكتئاب على شريكتم بعد الولادة لازم تتكلم معاها، و قولها قد إيه أنت قلقان على صحتها و شجعها على إنك تشاركها في مشاعرها، و قوي عزيمتها، و قولها كمان إن اللي بيحصلها مش ضعف منها و إنها مرحلة و هتقدر تعديها .

  • عالج المشكلة على طول :

الدراسات بتقول إن كل ما أسرعت في علاج الإكتئاب، العلاج بيكون أسهل و أسرع كمان، و عشان كده لو الموضوع طول عن أسبوعين لازم تروح لدكتور .

  • ساعدها في القرارات المهمة :

في قرارات كتير لازم الأم تاخدها بعد الولاده زي الرضاعة الطبيعية أو من “البيبرونه ” و لكن صعب عليها إنها تاخد قرارات زي دي لوحدها في حالتها دي، عشان كده إدعمها و ساعدها في القرارات دي .

  • بلاش تتجاهل إحتياجاتك :

لو كنت حاسس بإحباط من مرض شريكتك، بلاش تتجاهل مشاعرك و احتياجاتك و اعتني بنفسك انت كمان في فترة مرض شريكتك .

 

Facebook IconTwitter IconVisit Our InstagramVisit Our Instagram