نصايح عشان تلبسي اللانجيري في الشتاء وتحسي بالدفا

20/02/2017

5e3a6294c01fc62497cf04164a351bf4-1

بالرغم ناس كتير جدا بتحب الشتاء و بتقول إن له جو حلو جدا لكن في بنات كتير مابتحبهوش عشان مبيكونش مناسب إنهم يلبسوا لانجيري في الجو ده ،وعشان كده هنقولك شوية نصايح عشان ماتحسيش بالبرد لما تلبسي اللانجيري ” :

دفي الأوضة:

ممكن تدفي الأوضة عن طريق الدفاية قبل ما تدخليها بساعة أو تستخدمي التكيف السخن و ده حل سهل هيساعدك تلبسي براحتك.

فساتين قصيرة مع الكولون :

الفساتين القصيرة من أكتر الحاجات الموضة اللي مابتبطلش، عشان كده مش لازم كل  هدومك تكون لانجيري بس ممكن تستخدمي الفساتين القصيرة و معاها كولون و ده شئ هيميزك، و ماتنسيش تختاري تسريحة شعر مختلفة و “تالون” أو جزمة بكعب.

البيجامات القطيفة:

البيجامة القطيفة اللي ممكن تلبسيها في البيت بتبقى من أحلى القطع اللي ممكن تختاريها للبيت و للنوم و خصوصا لو كانت ضيقة و بكده أنت مش هتحسي إنك محتاجة تلبسي اللانجيري ، أو اختاري لانجيري من القطيفه.

بيجامات مع ملابس داخلية مناسبة:

الراجل دايما بيحب التغير، عشان كده مش طول الوقت هيعجبه اللانجيري المقفول أو الشفاف، ممكن تلبسي بيجامة نوم عادية لكن شكلها حلو و ريحتها حلوة و من تحتها ملابس داخلية مثيرة.

الروب :

الروب من الحلول السريعة و اللي بنات كتير بتحبها في الشتاء و في منه خامات كتير زي القطن و المبطن و القطيفة و الستان، و خليه يليق على معظم اللانجيري اللي عندك ، أو اختاري روب بنفس لون اللانجيري.

الشرابات :

الشرابات برضو من أحسن الحلول اللي ممكن تستخدميها في الشتاء تحت اللانجيري زي الشرابات الفلى و الكرستال و هتحسسك بالدفي و ممكن تلبسيها تحت اللانجيري.

المشروبات السخنه:

لو كنت حساه بالبرد فممكن تشربي كوباية أعشاب دافية لان ده هيساعدك إنك تحسي بالدفى .

Facebook IconTwitter IconVisit Our InstagramVisit Our Instagram