مفتاح كل راجل عن طريق برجه

05/10/2016

لكل راجل مفتاح تجذبيه بيه، إزاي تعرفي المفتاح ده عن طريق برجه؟

مفتاح برج الحمل
برج الحمل مسيطر، لو حسستيه أنه مركز اتخاذ القرارات هيحبك أوي، لأنك بتديه أكتر حاجة محتاجها أنه يحس أنه مسيطر.

مفتاح برج الثور
برج الثور عنيد جدا ومن الصعب إقناعه، عشان كده حاولي تتجنبي الدخول معاه في جداليات، ولازم تعرفي أن برج الثور من أكتر الأبراج حبا ووفاءا.

مفتاح برج الجوزاء
بشوية ذكاء وحيلة هتوصلي لقلب برج الجوزاء اللي بيعاني من تقلب المزاج، فلو عرفتي تتعاملي مع العادة السيئة دي من غير ما تحاولي تغيريه هيحبك أوي.

مفتاح برج السرطان
برج السرطان حساس جدا وعاطفي جدا، لازم تتعاملي معاه من مطلق المشاعر مش العقل، وتدلعي بالمفاجأت والهدايا والمبادرات، ده هيخليه يقع في حبك.

مفتاح برج الأسد
مفتاح برج الأسد بأنك دايما تكوني الست القوية اللي يقدر يعتمد عليها وتكون سانده دايما في كل الظروف والأحداث، بس لازم متخليهوش يحس أنك المسيطرة.

مفتاح برج العذراء
من الصعب معرفة مفتاح برج العذراء هى مسألة حظ يا يحبك يا لا وأنتي وحظك.

مفتاح برج الميزان
عشان تجذبي مولود برج الميزان لازم تثبتي أنك شخصية عندك توازن في حياتك خصوصا العاطفية والمهنية، وعندك القدرة على فصل الأمور وبتتميزي بالعقلانية يعني بتحكمي بعقلك قبل قلبك.

مفتاح برج العقرب
الشياكة والأناقة مفتاحه لازم شريكته تكون من أشيك اللي قاعدين في أي مكان.

مفتاح برج القوس
لو بتحبي المغامرة بعيدا عن الملل والروتين ، فسهل أوي تجذبي مولود القوس اللي بيحب يعمل كل حاجة جديدة ومثيرة.

مفتاح برج الجدي
الجدية والنظام مفتاح برج الجدي، اللي بيكره الست الفوضوية المتسرعة، لازم دايما تحكمي عقلك.

مفتاح برج الدلو
الحرص في التعامل مفتاح برج الدلو خصوصا أنه بيحلل كل تصرف فلازم تعرفي هو بيحب إيه وتكوني حريصة عليه أنه هيحلل تصرفاتك كويس.

مفتاح برج الحوت
لو أنتي مش برج حوت زيه صعب توقعيه في حبك لأن مواليد برج الحوت ليهم عالمهم الخاص، بس لو بتحبيه اكتشفي عالمه و شاركيه.

اقري كمان

Facebook IconTwitter IconVisit Our InstagramVisit Our Instagram