مافيش مستحيل… عندها 96 سنة و مدربة يوجا

26/02/2015

maxresdefault

ما فيش حاجة اسمها كبرنا أو لأ دي مش حاجة لسننا أو خلاص راحت علينا، عشان الست دي بتثبت عكس كده، بتثبت إن هي اللي صغيرة و اللي عندها 30و40 سنة ممكن تبقى هي اللي كبيرة، الست دي يا جماعة عندها 96 سنة و ده سن كبير مش صغير و عايشة حياتها بتفاؤل و نشاط و إيجابية بتخليها أصغر من سنها بكتير.

هي مدربة يوجا و الفيديو هتشوفوا في قد إيه هي فعلا قدوة بالنسبة لناس كتير و عايشة حياتها عادي ، و دي أحلى حاجة إن الواحد ما يفضلش يفكر في سنه و إن سنه هيمنعه من حاجات كتير، عيشوا اليوم و اعملوا في كل اللي إنتوا عايزينه أو أي تجارب تحسوا إنها مجنونة، لو حتى كانت حاجات بسيطة أو ممكن تبقى تافهة، اعملوها لو هتبسطكوا .

لأن ببساطة إحنا بنعيش مرة واحدة فحاولوا تعملوا فيها حاجات كتير، يمكن تتبسطوا أكتر و ترتاحوا أكتر و تحسوا بنفس  الإحساس اللي الست الجميلة دي بتحسه 🙂

استمتعوا بالفيديو و بالنشاط و الإيجابية.

Facebook IconTwitter IconVisit Our InstagramVisit Our Instagram