فيديو : إنتي تستحقي أجازة رسمي وقت الدورة الشهرية

15/02/2017

الدورة الشهرية

الدورة الشهرية دايما متعبة و معروف عنها إن ألمها كبيره وصعب على البنات و الستات يستحملوها و ده لأسباب علمية خاصة بالجسم ده غير إن تغير الهرمونات بيخلي البنات تكتئب و تتعب نفسيا، و طبعا الألم الجسدي و العضوي بيبقى صعب عليها إنها تتحمل الألم وتشتغل و تمارس حياتها العادية و تخلي بالها من بيتها و من أولادها.

في دول و بلاد كتير قدرت تعترف بكمية التعب اللي البنات بيكونوا فيه الوقت ده من الشهر عشان كده بيقدروا ياخدوا يوم و ممكن أكتر كمان أجازة و بيكون سبب الأجازة الدورة الشهرية  زي زيمبابوي و هي أول دولة أفريقية طبقت النظام ده، وفي دول طبقت نظام الأجازة دي و دول لسه بتناقش الموضوع بس زي الصين و اليابان و كوريا الجنوبية، لكن احنا لسه في الوطن العربي مش قادرين نعترف بالتعب ده ولا نقدر البنات و الستات وقته .

Facebook IconTwitter IconVisit Our InstagramVisit Our Instagram