طرق طبخ وفوايد الشوفان

22/11/2016

8f630804-aa96-4be4-91f2-dbcbd6e2cd0a

الشوفان من أهم الحبوب اللي بتدخل في الأكل زي القمح وممكن أفيد من القمح كمان لأنه صحي جدا و بيحتوي على سعرات حرارية أقل.

الشوفان ليه فوايد كتير جدا منها:

  1. أنه بيوقي اللي بيتناوله من أمراض سرطان الأمعاء.
  2. مفيد جدا للأشخاص اللي بيعانوا من الإمساك.
  3. مفيد للأشخاص اللى بيعانوا من الإكتئاب لإنه مضاد طبيعي للقلق والإكتئاب وكمان بيستخدم كمهدئ.
  4. مهم جدا للأشخاص اللي بتخس لأن فيه نسبة ألياف كبيرة و سعرات حرارية قليلة.

ازاي بتأكلي الشوفان بطرق و أطعم مختلفة من غير ما تملي منه لإن ممكن تطبخيه حلو أو حادق و يبقي وجبة فطار أوعشاء أو غداء كمان.

مقادير شوربة الشوفان:

  1. 12 معلقة شوفان
  2. بصلتان مفرومتين
  3. 6 حبات طماطم مهروسين
  4. فرخة مقطعة قطع صغيرة.
  5. أربع أعواد قرفة، بهارات مشكلة، ملح حسب الرغبة.

طريقة التحضير:

  • هاتي حلة و سخنى زيت فيها وشوحي البصل المفروم.
  • ضيفي الفراخ المقطعة و البهارات و القرفة والملح و قلبيها كويس.
  • ضيفي الطماطم للفراخ و سبيهم 3 دقايق على نار هادية لحد ما قوام الطماطم يتقل.
  • ضيفي المياة و الشوفان و قلبيها لحد ما تغلي وهدي النار لمدة نص ساعة و بكده تقدري تقدميها ساخنة.

مقادير الشوفان الحلو باللبن:

  1. 2 كوب شوفان.
  2. كوب جوز الهند.
  3. كوب حليب مجفف.
  4. كوب ونصف من الحليب السائل.
  5. كوبان من السكر.

طريقة التحضير:

  • سخني طاسة تيفال علي النار كويس, حطي الشوفان وجوز الهند يتحمصوا فيها.
  • ضيفي اللبن المجفف يتحمص معاهم لحد ما يوصلوا للون الذهبي.
  • إبعدي المكونات عن النار وحطيها فى بوله” طبق مجوف”, وضيفي عليها السكر وقلبيهم.
  • حطي اللبن السائل بالتدريج و إعجنيهم بإيدك, لحد ما توصلى لعجينة متماسكة.
  • شكليها على هيئة كور وإضغطي بإبهامك فى كل كورة, وحطي في قلبها مربي أو شكولاتة وسبيها فى التلاجة لمدة 3 ساعات وقدميها.

 

Facebook IconTwitter IconVisit Our InstagramVisit Our Instagram