طرق الإهتمام بالراجل من غير ماتقيديه

28/11/2016

romance-3-05-06-2014

الراجل دايما بيحب الحرية ممكن يفضل طول حياته رافض الارتباط أو فكرة الجواز لأنه مش بيحب حد يقيده أو يملي عليه ايه المفروض يعمله، والست بتحب تعرف أدق التفاصيل عن حياته مش مجرد فضول أد ما هو اهتمام منها أو بتحب دايما إنها تكون عارفه عنه كل حاجة عشان تكون مطمنة، و من هنا بتبدأ المشاكل لازم تعرفي ازاي تتعاملي معاه بطريقة ماتقيدش حريته عشان ما يتخنقش منك اتجنبي خالص التصرفات دي وانتي بتتعاملي معاه:

-ماتنتقديش تصرفاته بطريقة هجومية الراجل بيحب نفسه كدا لما تحاولي تنتقديه يكون بطريقة هادية.

-لازم تهتمي بيه و تخليه دايما حاسس برجولته وقت الإهتمام اعرفي إنك مراته أو حبيبته يعني لازم تكوني صاحبته مش والدته أو والده يعني مش واصي عليه.

-قوليله أد ايه هو مهم بالنسبة ليكي و ماتنسيش تشكريه على أي حاجة كويسة هو بيعملها ليكي.

-لما تكوني محتاجه مساعدته في شغل البيت اطلبيها بطريقة مايحسش إن دا انتقاص من رجولته لأن معظم الرجالة مش بيحبوا شغل البيت.

-العيون بيكون ليها سحر خاص على الراجل  وانتي بتكلميه دايما بصي في عنيه.

-اهتمي بنفسك و بجمالك و جددي من نفسك عشان يحس إن مش بياكل أكله واحده كل يوم.

-لما تلاقيه مضايق و مش عاوز يتكلم ماتكرريش السؤال عليه بكثرة عشان لازم يحس بنوع من الحرية.

-اهتمي بيه في علاقتكو الحميمة و اظهري ليه دايما إنك بتحبيه ومشتاقة ليه.

-ماتمنعوش إنه يخرج مع أصحابه و لما يخرج ماتتصليش بيه كل شوية ابعتيله مسدج بس مثلا قوليله وحشتني عشان يحس إنك مهتمه في نفس الوقت مش مقيداه
-لما يحكيلك عن مشاكله ما تتسرعيش و توجهي ليه الإنتقاد واللوم خليه يكون مرتاح و هو بيتكلم معاكي عشان ييجي يحكيلك دايما.

-اهتمي بأهله و حاولي بقدر الإمكان ماتنتقديش أهله لأن الراجل مش بيحب الدوشة أو دي قالت لأنه هينفعل و في النهاية مافيش حاجة هتتحل.

Facebook IconTwitter IconVisit Our InstagramVisit Our Instagram