تفاصيل و مواقف أكتر عن حفل ال SAG Awards

31/01/2017

SAG

الفترة الحالية أمريكا بتتعرض لتغيرات سياسية كتير و التغيرات دي أثرت جدا على الساحة الفنية و الحفلات، عشان كده المواقع و الصحف وصفوا حفل توزيع جوايز ال SAG إنه كان مشحون سياسيا و يعتبر من أكتر الحفلات اللي اتكلمت في الأحداث السياسية في الوقت الحالى و كان في الحفل برضو مواقف كوميدية و خطابات من الفنانين .

الخطابات السياسية كانت لكيري واشنطن و جوليا لوي دريفوس و ماهر شالا.

و قالت كيري واشنطن : إن في الوقت الحالي في ناس كتير بيقولوا إن الممثلين المفروض مايتكلموش في السياسة و لكن الحقيقة هى إن الممثلين نشطاء فاعلين لأننا بنجسد الإنسانية و القيم اللي بيستحقها الناس.

 جوليا لوي دريفوس: في الوقت اللي كانت بتستلم فيه الجايزة قالت إنها بنت سيدة مهاجرة و إن دورها في مسلسل  veep بيتكلم عن إن والدها هاجر من فرنسا المحتلة من النازليين عشان الاضطهاد الديني، و إن قرار منع المهاجرين أمر معيب و مش أمريكي.

أما بعيد عن المواقف السياسية  وينونا رايدر ماكنتش متوقعه فوزها بجايزة أحسن مسلسل درامي  stranger things  لإن في الأعلان عن الجايزة كان واضح على ملامحها الأستغراب و إنها مش مصدقة الفوز.

اما إيما ستون كانت مرتبكة وده ظهر عليها في خطابها اللي بتقبل فيه الجايزة و قالت إن الكل مكنش متوقع لفيلم  la la land بالجوايز دي و قالت إنك تكون ممثل و بتقدم دور ممثل في الفيلم و تاخد جايزة ممثل من ممثلين ده أمر استثنائي و شكرت مخرج الفيلم و بطل الفيلم ريان جوسلينج، و شكرت المنافسات ليها على لقب أحسن ممثلة .

و فستان نيكول كيدمان اللي كانت مرشحة لجايزة أحسن ممثلة عن فيلها  lion كان فستان مطرز من الكتفيين و على شكل بغبغان و غير اللي اتعودنا علية من نيكول كيدمان.

sag_18

 

Facebook IconTwitter IconVisit Our InstagramVisit Our Instagram