الراجل أكيد بيكون ليه مقاييس معينة بيحبها في الست اللي بيتشد ليها و فيه ستات و بنات طول الوقت بتحب تهتم بنفسها جدا ميكب و كوافير و استايلات مختلفة عشان تجذب دايما حبيبها و تخليه بيلتفت ليها طول الوقت ، فيه شوية حاجات هتستغربي جدا لما تعرفي إن الراجل بتجذبه الحاجات دي في أي بنت لأنها مش حاجات متعودة البنات تسمعها .
يعني مثلا الراجل بيحب الشعر الطبيعي :
من غير كوافير أو تسريحات مختلفة الراجل بيحب شكل الشعر لما يكون سايب كده طبيعي بموجاته الطبيعية .
كمان الراجل بيتشد أوي للبنت اللي بتلبس نضارة :
لأنه بيحس إنها مهمة و مثقفة فـ دايما اختاري نضارة تناسب شكل وشك لأنها ممكن تكبرك و ممكن تصغرك و خليكي عارفة إن دي حاجة بتجذبه جدا .
من غير مكياج :
على غير العادة اللي البنات فاكرين إن الراجل بيحب الميكب لأ بالعكس الراجل بيحب الشكل الطبيعي بيحب يشوف وشك من غير أي حاجة عليه و دي حاجة بتجذبه جدا لأنه بيحس إنك على طبيعتك و كمان لما بتكوني من غير ميكب بيزود ثقتك في نفسك و ده بينعكس عليه لأن الراجل بيحب الست اللي عندها ثقة في نفسها .
الأكل :
الراجل بيحب أوي لما بتاكلي معاه و تشاركيه الأكل بدون كسوف مش لازم تتكسفي تاكلي قدامه خليكي على طبيعتك بيحب ده جدا .
شكل التجاعيد :
ودي ممكن تستغربيها جدا الراجل بيحب الخطوط البسيطة اللي حوالين العين اللي انتي بتخافي منها و بتحاولي تداريها خليكي عارفة إن دي من الحاجات اللي بتجذب الراجل جدا .
