اعرفي شكل الضوافر المناسب لصوابع إيديك

12/02/2017

الضوافر

أكيد كل واحده فينا ليها شكل الضوافر اللي دايما بيعجبها و بيشد انتباها و غالبا هو الشكل اللي دايما بتعمله، و ممكن تبقى بتعمله عشان عاجبها و ممكن تاني بتعمله عشان مناسب لضوافرها ، لكن تعرفي ازاي إنه هو ده المناسب لشكل إيدك و هو ده اللي هيبينها بشكل أرفه و أصغر.

16708243_1894041544165186_491843084286482456_n

لو كانت صوابعك طويلة و عريضة هيكون شكل الضوافر البيضاوي أو اللوزي، هو أكتر شكل مناسب لصوابعك الكبيره، و كمان هيخليها متناسقة أكتر و هيبان شكلها أصغر، و الأحسن كمان إن طول الضوافر يكون متوسط أو قصير.

16711625_1894041724165168_7441156912848153231_n

لو صوابعك طويلة و رفيعة فانت كده محظوظة جدا لإن ممكن تعملي أي شكل ضوافر هتحبيه لكن مش معنى كده إن مفيش شكل ضوافر هيخلي إيدك أحلى، الشكل المربع، أو امربع البيضاوي دي الأشكال اللي هتخلى شكل إيديك أحلى و أكتر أناقة، و هتقدري كمان تعملي الشكل المروس أو ال ”  coffin  “ و لكن ده هيكون محتاج منك ضوافر صناعية لإن ضوافرك الطبيعية مع الشكل ده ممكن تتكسر بسهولة .

16708387_1894041854165155_8542119470179233408_n

لو كانت صوابعك قصيرة و عريضة شكل ضوافرك البيضاوي أو الدائري هيخلي ايديك أكتر نعومة و أنوثة، و هيخليها كمان تظهر أرفع و أطول.

16681946_1894041904165150_7565070238962820069_n

لو كانت ضوافرك قصيرة و رفيعة فإيديك هتكون زي اللي عندها بنت صغيرة و عشان كده هتلاقي صعوبة في إنك تختاري الشكل المناسب ليكي، لكن في إختيارك للشكل اللوزى أو البيضاوي هيخلي إيديك أطول لكن الشكل المربع هيبين حجمها أكبر.

 

Facebook IconTwitter IconVisit Our InstagramVisit Our Instagram