اعرفي ازاي شريكك بيمارس عليكي العنف النفسي..ماتسكتيش

14/02/2017

العنف النفسي

 الإساءه و العنف في العلاقات العاطفية ما بتكونش واضحه و ظاهره بنفس وضوح الضرب و الزعيق و الشتايم، و عشان كده بيكون العنف في العلاقات مش واضح لإنه بيتعمل بدهاء و بلوءم و ده بيكون اسمه العنف النفسي و ده الي بيخليكي أوقات كتير مش عارفة تاخدي حقكك أ و تاخدي موقف حتى ، عشان كده هنقولك على العلامات اللي لو لاقتيها تأخدي موقف و تعرفي إن فيه في العلاقة دي عنف و إساءه ليكي واللي هما :

  •    اللي بيقلل من عزيمتك :

لو معاكي راجل دايما بقلل من عزيمتك و متجاهل أرائك و بيتفه منك أو من أحلامك أو من حياتك فكده هو بيسئ ليكي بيمارس عنف لو كان ده في السر بينكوا أو قدام الناس.

  •  بيسيطر عليكي :

الراجل اللي بيسيطر على حياتك سواء حياتك الأجتماعية أو المهنية أو بيتحكم في اختياراتك لصحابك و المرات اللي ممكن تخرجي فيهم من غيرة أو مع صحابك أو بيتحكم في نوع شغلك أو في لبسك و مظهرك فهو كده بيعاملك كامتداد له و مابيعملكيش كإنسان مستقل.

  • بيحسكك إنك دايما غلطانة و بيحسسكك بالذنب :

لو كان دايما بيحسسك إنك عاملة غلط و بينتقدك قدام الناس فده أكبر دليل على سوء المعاملة العاطفية بينكوا، لإنه دايما بيحسسكك إنك ما تستحقهوش عشان ما يكونش ليكي سلطة عليه.

  • بيتكلم دايما عن عيوبك:

المفروض إن شريكك يكون بيحبك بعيوبك و بمميزاتك، لكن إنه دايما بيتكلم على عيوبك فده كده بيدمر إحترامك لنفسك عشان تحسي إنك محظوظة إنك معاه .

  • مابيحترمش حدودك :

لو مابيحترمش خصوصيتك و بيمسك موبايلك و يقرا الرسايل اللي بينك و بين صحابك أو بيفتش في موبايلك و انت مش موجوده و عايز يعرف خصوصياتك فده مؤشر لعدم الثقة بينكوا و إن في مشكلة في العلاقة دي.

  •  حبه مشروط :

 لو كان بيحبك بس لما تسمعي كلامه فهو كده مابيحبكيش زي ما انت و ده شكل من أشكال الإبتزاز العاطفي ولازم تنهي العلاقة دي .

  • اللي بيعب دور الضحية :

الراجل اللي أول ما يبقي غلطان فبيلعب دور الضحية و بيقلب الحجج،وهتلاقي نفسك في الأخر انت اللى غلطانة في حقه ولازم تعتذري و هو يسامحك من كرم أخلاقه .

Facebook IconTwitter IconVisit Our InstagramVisit Our Instagram