اعرفي أنواع الحموات و شوفي حماتك مين فيهم !

19/12/2016

أنواع الحمواتمن أكتر الحاجات اللي بتخوف البنات من الجواز دايما هى الحموات و ده لإنهم معروفين بمواقفهم الصعبة تجاة مرات أبنهم و الخناقات و المشاكل معاهم لكن الحقيقة إن مش كل الحموات زي بعض و طباعهم مختلفة و تقريبا في 20 نوع من أنواع الحموات، خلينا نكلمك عنهم و اعرفي مين حماتك فيه:

  1. الحماة المغرورة : و هى الحماة اللي بتحب احفادها ينادوها ب “ماما ” و بتغير جدا لما جوزك يعملك حلو.
  2. الحماة الصامتة : اللي مبتتكلمش خالص معاكي تقريبا و ما بتوجهلكيش كلام حتى لو في التجمعات العائلية، هتلاقيها بتسأل جوزك عن الأولاد لكن ما توجهلكيش كلام، وكأنك شخص غير موجود.
  3. الحماة اللئيمة : و هى اللي بتتعامل معاكي بشكل كويس جدا لكن بمجرد ما تحس إنك سعيدة مع جوزك هتتدخل في حياتك الزوجية و كده تعرفي إن مفيش سعادة مع جوزك تاني .
  4. الحماة الصريحة : اللي هتنتقدك في وشك و هتقولك عيوبك، في الأول هتحسي إنها شجاعة و واثقة من نفسها و لكن انت هتحتاجي وقت طويل عشان تنولي رضاها .
  5. الحماة المخادعة : و اللي هى ما بتكوش حباكي و انت عارفة إنها مش حباكي لكن بتتعامل معاكي قدام الناس على أساس إنكوا صحاب وأصدقاء جدا .
  6. الحماة المشغولة : اللي بتشتغل على طول و ماعندهاش وقت حتى لأحفادها لإنها مشغولة و عايزة تتمتع بحياتها، بالرغم إن ده هيبعدها عن حياتك و عن التدخل فيها إلا إنه بيتعبك لإنها بتتشغل بالإهتمام بنفسها جدا .
  7. الحماة الأرستقراطية : هى الحماة اللي عندها خبرات كتير جدا لكن مش هتساعدك و في نفس الوقت عندها رغبة في فرض إحترامها عليكي، مش هتحب تقعد مع أطفالك كتير لكن هتحب جدا تعملهم بلوفرات صوف من الكوروشية أو التريكو.
  8. الحماة المتطفلة : و هى اللي بتتدخل في كل كبيرة و صغيرة في حياتك، و بيكون عندها إعتقاد إنها ما بتعملش كده، و عشان كده بتتدخل في حياتك الزوجية بطريقة مزعجة جدا و ممكن تسبب مشاكل بينك انت و جوزك.
  9. الحماة الغير مستقرة: و دي اللي ما بتوقعيش رد فعلها، و عشان كده هى أخطر أنواع الحموات تقريبا وما بتكونيش عارفة بتحبك و لا بتكرهك .
  10. الحماة الخبيرة : و هى اللي بتتعمد طول الوقت إظهار خبريتها في الطبخ و تربية الأولاد و ممكن تتطلع كل اللي بتعملية غلط و لازم تصححيه ، و هتنصحك بحاجات غريبة زي استخدام الأوعية المقاومة للحرارة .

Facebook IconTwitter IconVisit Our InstagramVisit Our Instagram