اعرفي أقصى مدة للاحتفاظ بكل نوع أكل في الفريزر

20/12/2016

أكل في الفريزر

أكيد كلنا بنخزن الأكل في الفريزر وده لأنه بيحتفظ بالأكل أكتر، و هو أحسن وسيلة للأحتفاظ بيه فترة و أحسن من التلاجة كمان لأنه بيجمد الأكل خالص، لكن مش دايما صح إنك تسيبي الأكل فيه لفترات طويلة و بعدين تاكليها، و كل نوع أكل المفروض بيكون ليه مدة معينة للتخزين في الفريزر عشان بعد المدة دي هيكون غير صالح إنك تأكليه لإنك هتأذي نفسك لو استخدمتيه، عشان كده خلينا نقولك المدة القصوى لتخزين كل نوع أكل واللي بعدها لازم تتخلصي منه :

  1. اللحوم أقصى مدة لتخزينها في الفريزر 6 شهور و ده لو كانت مش مظبوخه لكن لو كانت الللحوم مطبوخة و مستوية فأقصى مدة ليها من شهر ل 3 شهور .
  2. الفراخ أقصى مده لتخزينها سنة و لكن لو كانت مسلوقة فممكن 6 شهور .
  3. الجمبري 3 شهور و بعدها لازم تتخلصي منه.
  4. الزبدة 6 شهور بحد أقصى .
  5. الشوربة 3 شهور و اتخلصي منها .
  6. عجينة الخبز 10 أيام، لكن عجينة الحلويات ممكن تحتفظي بيها لمدة 9 شهور.
    العيش ممكن تحتفظي بيه 3 شهور ، و العيش الفينو “الصمون ” برضو نفس المدة
  7. 3 شهور.
  8. لبن الزبادي ممكن تحتفظي بيه من شهر لشهرين .
  9. الفواكة المجمدة ممكن تتحتفظي بيها لمدة سنة .
  10. الهوت دوج من شهر لشهرين .
  11. البيتزا الجاهزة ممكن تحتفظي بيها من شهر لشهرين برضو .
  12. الطماطم تقتدري تحتفظي بيها من 3 ل 4 شهور و لكن ماتستخدميهاش غير في الطبخ بس .
  13. الفطر أو المشروم و ده ممكن تحتفظي بيه من 8 ل 12 شهر .
  14. و الفلفل البارد بجميع ألوانه من 3 ل 4 شهور .
  15. الحد الأقصى للاحتفاظ بالثوم “الثوم الكامل بقشرة ” 6 شهور .
  16. كل أنواع الحبوب المطبوخة الحد الأقصى للاحتفاظ بيها من 8 ل 12 شهر .

Facebook IconTwitter IconVisit Our InstagramVisit Our Instagram