أغلب البنات بتحب الشعر الطويل وبتعتبره علامة من علامات الجمال لكن الشعر زيه زي اي حاجة ممكن طوله الزائد يجيب نتائج عكسية خصوصاً لما يكون في اهمال للشعر وهنا بيكون لازم يتقص عشان كده فوزية هتقولك على مؤشرات بتقولك ان شعرك محتاج يتقص.

جفاف الأطراف بعد الإستحمام فوراً

لما تسحري شعرك بعد الاستحمام وتلاحظي جفاف أطرافه بثوان قليلة على رغم أنه لا يزال وسطه رطب ده معناه انه محتاج للقص والتخلص من المنطقة دي من الشعر لأن تركه لفترة طويلة على كده هيؤدي الى تساقط الشعيرات وامتداد الجفاف من أطرافها حتى جذورها. 

تقصف الأطراف وتكسرها بسهولة

لما تلاحظي ان خصلات الأطراف بدأت تنقسم إلى جزئين وتنكسر فده مؤشر على الجفاف والتقصف العالي ولازم تتخلصي منه عشان تقدر الزيوت والغذاء بالتغلغل في الشعيرات والوصول من جذورها حتى أطرافها بسهولة.

صعوبة تطبيق التسريحات بالطريقة اللي عاوزاها

لما شعرك يتعب ويكون جاف هيبقى صعب عليكي انك تعملي التسريحة اللي محتاجاها لأن جفاف الشعر يمنع الخصلة من التفاعل مع الحرارة العالية لأنها شبه ميتة.

اقري كمان

4  حيل هتساعدك تخفي الشعر الأبيض

أطعمة هتمنع ظهور الشعر الأبيض

أطعمة وفيتامينات هتعالج تقصف الشعر وتساقطه في شهر

فوائد الخميرة للبشرة والشعر