النهاردة أول يوم لمواليد برج القوس كل سنه وانتوا طيبين هنقولك شوية حقايق كدا عن مولود برج القوس
-برج القوس هو الرمز الحقيقي للتفاؤل و لو فعلا عاوزة تاخدي برأي حد يبأه برج القوس لأنه حكيم جدا و بدرجة قوية.
-صريح لدرجة مش طبيعية لدرجة ان ممكن الناس تتعصب منه بسبب الموضوع دا فهو دايما بيقول الحقيقة.
-بيبأه قاصد كل حاجة بيقولها عشان كدا بنصدقه دايما.
-من الأشخاص الذكية و اللي بيهتم بحاجات كتير ومختلفة.
-لافت للانتباه بشكل مش طبيعي لأن طريقة كلامه بيكون ليها طريقة خاصة بيه هو وبس.
-بيقول كلام كتير فلسفي بس بطريقة تهريج ف تبأه مستغربه جدا.
-مش بيتأخر علي مساعدتك أبدا حتى لو مشغول بحاجة غير إنه بير أسرار لو عاوز تحكي لحد سر ليك عليك و على برج القوس.
-شخص مغامر لأبعد الحدود مش بيقبل الا بالإثارة و المغامرة.
لو حد عندك من مواليد برج القوس ازاي تختار هديته:
-رحلات:
زي ما قولنا ان القوس بيحب المغامرة عشان كدا أفضل هدية ليه إنك تقدمله تذكرة رحلة هدية.
أو ممكن رحلة بحرية-سفاري لأنه بيحب الحرية والانطلاق.
-الكتب:
برج القوس بيحب دايما إنه يثقف نفسه ممكن تجيبله كتاب في الفلسفة التاريخ المغامرات أكيد هينبسط جدا.
-الرياضة و اللعب :
بيهتم القوس كمان بالرياضة جدا فممكن حسب اهتمامه تجيبيله هديةة في الصميم كرة قدم كرة سله حسب رياضته المفضلة كمان ممكن تجيبله ألعاب فيديو فيها طابع المغامرة و تتسلى معاه.
-المرح:
برج القوس معروف إن دمه خفيف عشان كدا ممكن تجيبله تيشرت مطبوع عليه جملة كوميدية كدا أو تذكرة لمسرحية أو فيلم كوميدي.
