ازاي تختاري لون الكحل المناسب ليكي؟!

16/02/2017

d181d2af7fd4330094a05ff5a586601f

الكحل من أهم أدوات الميكب يعني لو حتى مش بتحطي أو بتحطي ميكب خفيف الكحل بيكون من العناصر الأساسية في الميكب بس الفكرة إننا بنحتار كتير في اختيار اللونن المناسب و ياترا بنختاره إزاي على لون البسرة أو لون عنينا ولا لمجرد إن دا اللون المفضل بالنسبه لينا احنا هنقولك إزاي تختاري لون الكحل المناسب ليكي مع كمان المناسب للموضة:

 

الكحل دهبي:

دا بيكون مناسب للعيون العسلي أو البني و ممكن تكملي أناقتك بالماسكرا البني و روج بيج مع بشرة برونزية.

الأخضر :

اللون الأخضر هو أكتر الألوان جاذبية لعنيكي خاصة مع بشرة صافية و الميكب يكون غالب عليه اللون الوردي و بيكون جذاب جدا للعيون الزرقا أو الخضرا  غير جاته كمان الباستيل أو الدرجات الهادية منه بيكون فيه جاذبية وتناغم مع عينك.

البنفسجي:

اللون البنفسجي بدرجاته بيعتبر لون شتوي وو كمان مناسب جدا في السهرات اللون البرقوقي اللي هو درجة من البنفسجي مناسب للعيون الزرقا و الخضرا لكن العيون السودا فتستخدم اللون البنفسجي الأقرب للأسود.

 

الأزرق التركوازي:

درجات الأزرق  بلون البحر بتكون حلوة جدا مع البشرة البرونزية لكن ابعدي عن الأزرق الغامق والدرجات الباهته منه لأنه مابقاش موضة واللون الفيروزى بيليق جدا مع العيون البنية.

أما بالنسبة للكحل المناسب لكل بشرة:

صاحبة البشرة القمحية:

العيون غاليا هنا بتكون عسلية أو سودا و في الحالتين حطي كحل أزرق من تحت و فويها حطي خط بالآي لاينر بلون عينك

صاحبة البشرة البيضاء:

ودي غالبا بيكون عنيها لونها أزرق أو اخضر أو أسود ففي حالة لون عينك أخضر ابعدي عن الألوان الزرقا في مكياج العين عمتا،لكن ممكن تستخدميه لو عينك لونها أسود أو أزرق و ساعتها ماتستخدميش ماسكارا زرقا عشان ماتكونيش مبالغة

صاحبة البشرة السمراء:

يفضل هنا إنك تستخدمي كحل ازرق داكن مع ماسكرا زرقا لتفتيح لون البشرة شوية على أن يكون الآي لاينر اسود اللون وابعدي  عن الآي لينر الأزرق أو البني أو حتى الأخضر.

 

Facebook IconTwitter IconVisit Our InstagramVisit Our Instagram