ازاي تبقي ريهام سعيد والعكس (فلسفة )

29/10/2015

225

دايما في شخصية في كل شلة وكل بيت ممكن نقول عليها “ريهام سعيد” اللي هو وهى بتتكلم عايزة تقوللها “يخربيتك ريهام سعيد جدا” كأن بتقوللها مثلا ” يخربيتك “صفة” جدا”

صفات الشخصية الـ “ريهام سعيد”:

– لو اتخنقت في البيت هتلاقيها ضربت كل أهل البيت، وبعديها قاعدة بمنتهى الهدوء في الصالة تقولهم ليه بتعملوا كده دي ولا أي أخلاق تخليكوا تعملوا كده، وهى اللي ضربهم.

– مع اصحابها هتلاقي فيها كل العبر ومع كل لمة للشلة بتعقد تنتقد طوب الأرض حتى الجرسون، وتنظر وتتكلم على مثليات هى مش بتعمل بيها، كمان ممكن تنتقد تصرف هى بتعمله لو حد تاني عمله.
هى محللة لنفسها كل حاجة ومحرمها على غيرها، عشان هى بنت ناس وليها الحق تعمل أي حاجة، معندهاش مشكلة تستغل أي حاجة عشان تتطلع وجهة نظرها صح.

– هى الزوجة اللي بتتجوز عشان تطلق بتحول حياة جوزهل لجحيم فعلي لأن هى اللي دايما صح، وجهة نظرها هى الملزمة لكل اللي حولها، وأولهم جوزها، وأول ما يطلع فيها تعقد تمثل أنها مهضوم حقها وتحاول تاخد حماتها في صفها عشان تقوي نفسها قدامه.
وعادة بتتطلق عشان جوزها صدع من رغيها واسترسالها في الكلام.

وزي أي لعبة في الدنيا بيكون في طرفين ضد بعد، ظهرت شخصية “إيمان الحصري” عشان تشفي غليل الملايين من كرهي شخصية ريهام سعيد والشخصيات اللي شبها.

شخصية إيمان الحصري هى البنت اللي في شلتك اللي بمنتهى البرود بتعلم على الشخصية اللي عاملة نفسها فاهمة كل حاجة، واللي تقف قدامها مش عارفة تجمع كلمة من كتر ما هى اتكسفت، واخرها تقوم وتسبكوا وتروح تعقد مع شلة تانية تتكلم عليكو.

في الأخر انت بتختاري تبقى ريهام سعيد ولا إيمان الحصري.

Facebook IconTwitter IconVisit Our InstagramVisit Our Instagram