ابعدي عن بقع العرق في الشارع بالنصايح  دي

26/05/2015

causes-hair-smell-bad_900361f160ba6355بما إننا في الصيف وال.جو بيبقى حر جدا، ريحة وبقع العرق بتبقى حاجة مش محببة خالص، دي شوية حاجات بسيطة عشان تبعدي عن بقع العرق أو تقللي منها.

1- البسي ألوان مناسبة: لو يومك هيبقى طويل حاولي تلبسي ألوان غامقة عشان مش هيبقى باين فيها بقع العرق زي الألوان الفاتحة، الألوان الفاتحة بتبين أكتر بشكل كبير و اللبس القطن كمان بيبقى كويس جدا للحر.

2- مزيل العرق وإنتي بتحطيه، في كتير  بيلبسوا اللبس بعديها على طول وده بيعمل بقع في اللبس وإنتي كل ده ممكن ماتبقيش عارفة إن السبب مزيل العرق، الطريقة الصح، إنك تحطيه وبعديها بدقايق تلبسي اللبس عشان مايبقاش فيه أي بقع.

3- البسي لبس مايبقاش ضيق، اللبس يبقى مريح و واسع عشان تتجنبي أي بقع ومافيش حاجة تبقى باينة لو الموقف ده حصل.

4- ماتلبسيش الشرابات اللي بتبقى خامتها تقيلة في الرجل عشان طبعا رجلك هتعرق، البسي شرابات تكون خفيفة وماتعرقش رجلك ونفس الكلام للـ””hats.

5- لو الموضوع بيضايقك أوي، ممكن تبقي تجيبي معاكي تيشرت زيادة و تغيري اللبس وده طبعا بذات لما اليوم يبقى طويل وهتبقي في الشمس على طول.

Facebook IconTwitter IconVisit Our InstagramVisit Our Instagram