لو وزنك بيزيد و معندكيش وقت تروحى الجيم أو تلعبى رياضة فى طرق تانية تحرقى بيها السعرات الحرارية.
أول حاجة ممكن تشتغلى و أنتى واقفة متقعديش طول الوقت. الوقفة أو أنك تتحركى بيخلى جسمك يحرق السعرات الحرارية 50% أكتر من أنك تفضلى قاعدة و أنتى بتشتغلى. و بكدة شغل البيت هيساعدك أكتر أنك تخسى.
الكافين بيزود حرق السعرات الحرارية فى جسمك، يعنى تقدرى تشربى شاى أخضر أو قهوة بعد الأكل ده هيساعدك تحرقى سعرات حرارية أكتر.
الخضار و الفاكهة بيحرقوا سعرات حرارية أكتر، لو كلتى خليتى الخضار أو الفاكهة وجبة عندك فى اليوم هيخلوا السعرات الحرارية تتحرق أكتر لأن الجسم بيحرق حوالى 200 سعر حرارى عشان يهضم الخضار و الفاكهة.
إشربى عصير ليمون بمياة دافية و خصوصا لو الصبح أول ما تصحى هيساعدك تحرقى سعرات حرارية أكتر.
كل ما تشربى مياة متلجة جسمك هيحرق سعرات حرارية أكتر و ده لأن جسمك يعمل طاقة أكتر عشان يسخن المياة اللى بتشربيها.
لو الجو برد و خرجتى فى البلكونة أو وقفتى فى الشباك و أنتى لابسة هدومك عادى بس حاسة بساقعة جسمك هيحرق سعرات حرارية أكتر من 3 إلى 7% عشان جسمك هيحاول يدفى و هيبذل طاقة أكبر.
لما تاكلى وجبة صغيرة مفيهاش دهون كتير كل ساعتين هيخلى السعرات الحرارية تتحرق أكتر.
لو ضحكتى كل يوم من 10 إلى 15 دقيقة هتحرقى 50 سعر حرارى، إضحكى و أنسى كل حاجة مضايقاكى.
الفطار كل يوم هيخلى جسمك يحرق سعرات حرارية أكتر خصوصاً لو فطار صحى.
التوتر و القلق بيخلى جسمك يفرز كوليسترول و بيخزن دهون فى جسمك خصوصاً فى منطقة البطن عشان كده خليكى دايماً هادية و بطلى قلق.
