إزاى تتعاملى مع جوزك و هو بيزعق

19/03/2013

admin-ajax

طبعا أبسط حاجة عند أى راجل إنه يزعق على أى حاجة مضايقاه و ساعات كتير بيكون مضايق من الشغل أو أى حاجة و بيزعقلك أنتى عشان يطلع غضبه بس هتعملى إيه؟

أكيد لو زعقتى أنتى كمان المشكلة هتبقى أكبر و كمان لو سبتيه و مشيتى هيجى وراكى و يزعق أو هيقولك أنتى مش مهتمة بكلامى. عشان تقدرى تخليه يهدى و يتكلم بهدوء ردى على زعيقه بهدوء بس مش معنى ده أنك تبقى بارده، حسيسيه أنك مهتمة بيه جداً و يهمك تعرفى إيه مضايقه و تحليهوله كمان لو أنتى غلطانة قوليلوا أنك أسفة و بينيلوا أد إيه يهمك ميكونش زعلان منك.

ممكن تستغلى أى وقت يكون فيه هادى و تتكلمى معاه و تبينيلوا أد إيه زعيقوا ده بيضايقك و لو اتكلم بهدوء هتحلوا المشكلة أسرع من غير صوت عالى.

أهم حاجة تتعملى بهدوء و عقل عشان ميوصلش الموقف أنكوا تزعقوا لبعض و تتخانقوا و الموضوع ممكن يتحل بهدوء من غير ما تجرحوا بعض بأى كلام كمان لازم تعرفى أن أى حاجة بيقولها و هو مضايق أكيد مبيكونش قاصدقها  كل الكلام ده بيطلع فى وقت غضب مش أكتر عشان كده حاولى تنسى كل الكلام الوحش اللى بيقولوا و هو بيزعق لأنك لو فضلتى فاكره مش هيتسمحيه و علاقتكوا هتتأثر.

فى نفس الوقت غضبه مينفعش يطور لضرب أو تجريح بكلام لأن أهم حاجة فى علاقتكوا الأحترام. لو ده حصل لازم يكون رد فعلك قوى، مش معنى كده أنك تهينيه بس لازم يفهم أن علاقتكوا أهم من أى حاجة و زى ما بتحترميه هو كمان لازم يحترمك.

Facebook IconTwitter IconVisit Our InstagramVisit Our Instagram