أماكن رومانسية للسفر مع جوزك في رأس السنة

11/12/2016

picmonkey-collage

طول السنة بيكون عندك مسؤليات كتير و خصوصا لو انت متجوزة هتحسي بضغط أكتر عشان مسؤليات البيت و الأولاد و لو بتشتغلي، وحاجات كتير ملهاش نهايه بتكون ضغطاكي و مأثره على علاقتك انت و جوزك ، عشان كده لازم و انت بتبدأي سنة جديدة مع شريكك أو جوزك بعيد عن المشاكل و الضغط و المسؤليات ولو لليلة واحدة، و اليوم أو الليلة دي لازم يكونوا بره المحافظة اللي انتوا عايشين فيها، يعني حاولوا على قد ما تقدروا تسافروا في رأس السنة بره القاهرة خصوصا لإنها مكان مليان و زحمة غير أن خروجكوا فيها ممكن يسبب مشاكل زيادة اصلا، و السفر جوه مصر دلوقتي بقي مصاريفه مش كتير ممكن يكون نفس مصاريف خروجهة في القاهرة أو اسكندرية عشان كده خلينا نقولك أوفر و أكتر الأماكن رومانسية ممكن تسافريلها مع جوزك في رأس السنة .ulice-alexandrie-1024x677

الأسكندرية :
اسكندرية معروف عنها إنها مصيف حلو جدا و بتكون زحمة جدا في الصيف عشان كده جددي انت و روحيلها في الشتاء، لأنها بتكون مش زحمة في الوقت ده و فيها سقعة في بداية السنة، والشقق و الفنادق فيها رخيصة و تكلفيتها قليلة، و كمان البحر و القعدة قدامه هتخلق جو حلو بينك انت و جوزك جدا.

urlaubsguru-de_hurghada-schnaeppchen-hotel-magic-beach2شرم الشيخ
شرم الشيخ فيها بحر و صحرا و عشان كده تعتبر من أكتر الأماكن سحر و جمال و خصوصا محمية رأس محمد لإنها محمية طبيعية فيها شعب مرجانية و أماكن طبيعية هتساعدك على الأستجمام و الأسترخاء و جو شرم الشيخ في رأس السنة و الشتاء فيها أحلي من الصيف لإنها بتعتبر مشتي مش مصيف و ممكن كمان تعملوا زيارة سريعة قصيرة لجزيرة تيران.

shutterstock_69099109

الجونة :
الجونة لقبها هى اللؤلؤة المدفونة على ساحل البحر الأحمر و هى تقريبا أحسن مكان للأسترخاء و الهدوء لو انتوا محتاجين للهدوء والأستجمام ،و شاطئ “زيتونة” من أحلي و أهم الشواطئ فيها هو و مرسى اليخوت.

2462f983e739bd61d9d37191748ee9a9 adobestock_63528203
الأقصر و أسوان :
الأقصر و أسوان من أحسن الأماكن اللي بتعتبر مشتي في مصر و ده بسبب الدفي اللي فيها عكس كل المحافظات، الأقصر و أسوان في فرق بينهم في الطريق تقريبا 3 ساعات و نص بس الرحلة متكملش الا لو كانوا الأتنين سوا، من مميزات الأقصر و أسوان إن ممكن تجربي فيها رحلة القوارب النيلية و اللي بتكون عبارة عن أنك تروحي أسوان من الأقصر عن طريق النيل بالقوارب وده بيكون قمة الأستمتاع و هى تجربة مختلفة، ده غير زيارة الأماكن الجديدة زى معبد الكرنك و معبد الأقصر و اللي بتحسسك أنك في لوحة فنية، و أسوان كمان و النوبة، الألوان فيها و البيوت و زيارة المعابد قادرة تجدد روحك و تخليكي تكملي باقي السنة سعيدة و مبسوطة .

resegone-img_8774-7_resize

18723 %d8%af%d9%87%d8%a8
سانت كاترين و دهب و نويبع :
هما الأماكن اللي لسه محتفظة بجمالها و طبيعتها عشان كده السفر فيهم دايما بيكون أحلى بالتخيم في الصحرا و التعامل مع السكان البدو اللي عايشين فيها، و بيكونوا أحلي في رأس السنة لأن سانت كاترين و جبل موسى بيكونوا تقريبا المكان الوحيد في مصر اللي متغطي بالتلج و ده لأن إرتفاعة 2285  مترا ،و عشان كده بيكونوا رحلة واحدة لأنهم قربين من بعض جدا،و بيكونوا متعبين شوية لكن أحلي لأنها بتكون رحلة مليانة، بتشوفوا فيهم أماكن مختلفة.

Facebook IconTwitter IconVisit Our InstagramVisit Our Instagram