أكبر 6 مشاكل بيقابلها المتجوزين جديد

30/09/2015

مشاكل

مهما كان في اتنين بيحبوا بعض وارتباطهم وجوازهم كان عن حب مش صالونات، برضه هيختلفوا أول ما يتجوزوا، وده لأن المثل بيقولك “تعرف فعلا، أه اعرفه، عاشرته، لأ، يبقى ما تعرفوش”.

وأغلب المشاكل اللي بتواجه الناس اللي متجوزة جديد بتكون واحدة، ودي شوية من المشاكل دي:

المسئولية:
مهما كان الطرفين متحاملين مسئولية نفسهم، بعد الجواز بيتفاجئوا بكمية المسئوليات اللي المفروض يقموا بيها، وساعات كتير مش بيعرفوا يتعاملوا مع المسئوليات دي فبتحصل هنا المشاكل.

أختلاف الطباع:
رغم أن ممكن الجواز يكون بعد فترة ارتباط، لكن حتى في الحالة دي فكرة أنك تعيش مع شخص تاني في بيت واحد بتخليك تكتشف طباع جديدة فيه، وكمان الأختلافات بينكم بتوضح أكتر وده واحد من أهم أسباب الخلافات بين اللي متجوزين جديد.

الإهمال وقلة الاهتمام:
كتير من اللي متجوزين جديد بيتفاجئوا بقلة الاهتمام بعد الجواز، وده لأن علاقة الأزواج بتختلف عن المرتطبتين أو المخطوبين، وبيتيخلوا أن الجواز هو نهاية الحب، لكن في الواقع هى مرحلة جديدة ليها ابعاد ومطالبات مختلفة.

المشاكل الجنسية:
عادة المشكلة دي بتكون في بداية الجواز بسبب عدم فهم أحد الأطراف لمطالبات الطرف التاني، أو بسبب كسوف الزوجة، واللي بيفسره الزوج على أنه عدم رغبة.

المشاكل المادية:
في أزواج كتير بيقابلوا في أول جوازهم مشاكل مادية بسبب أن في طرف مبذر، والمشاكل بتكون أكبر لو الطرف ده هو الزوجة، لأنها المفروض المسئولة عن الميزانية.

التحدي:
نظرية “ادبحلها القطة” مقابل نظرية “جوزك على ما تعوديه” ففي بداية أي علاقة زوجية بيكون كل طرف عايز يكون هو المسيطر فكل واحد بيحاول يفرض رأيه وده بيسبب مشاكل كتيرة.

Facebook IconTwitter IconVisit Our InstagramVisit Our Instagram