أسباب السلوليت و وصفات لعلاجه

27/12/2016

السلوليتالسلوليت من أكتر الحاجات اللي بتضايقك في شكل جسمك و كمان بتفقدك الثقة في جسمك و مش شرط إن السلوليت يظهر في جسمك لو كنت تخينة ، هو بيظهر في الجسم سوا كنتي رفيعة أو تخينة و لازم تبقي عارفة إنه مش مرض و إنه مجرد تشوه في جمال بشرتك بس و ممكن يكون بسبب الهرمونات ، و السلوليت في منه 3 أنواع:
السلوليت الدهني : و اللي بيكون بسبب زيادة تخزين الدهون في الأماكن المصابة.
السلوليت الليفي : وده يظهر بسبب اختلاف في ألياف الكولاجين.
سلوليت احتباس المياه : وده بيكون بسبب سوء و ضعف الدورة الدموية.
طيب عشان تتخلصي من السلوليت لازم تجربي الوصفات دي و اللي هما :
ماسك التخلص من السلوليت بالقهوة :

cover_8

  • حطي معلقة كبيرة من القهوة في طبق و حطي عليها معلقة صغيرة زيت زيتون، اخلطيه كويس جدا
  • حطي الخلطة على الأماكن المصابة و لفيها بورق سولوفان و سبيها لمدة 20 دقيقة
  • كرري الماسك مرتين في الأسبوع.24
    خلطة التخلص من السلوليت بزيت اللوز و السترونيلا:
  • حطي 60 قطرة من الزيت الأساسي للسترونيلا مع 30 مل من زيت اللوز الحلو و اخلطيهم كويس.
  • دلكي المناطق المصابة في مرتين في اليوم على الأقل لمدة 3 أسابيع .
    لوشن الليمون و القهوة للتخلص من السلوليت:
  • اعملي قهوة قوية و صبيها في كوباية و حطي عليها عصير الليمون و قلبيهم كويس
  • سيبي الخليط يرتاح لمدة 24 ساعة و ممكن تحتفظي بالوصفة في التلاجة لمدة لا تتعدى الأسبوع.
  • دلكي فخادك كويس جدا باللوشن ده مرتين في اليوم لمدة 3 أسابيع .

Facebook IconTwitter IconVisit Our InstagramVisit Our Instagram