اتيكيت الكلام في التليفون

06/12/2016

contact-page-1030x687

الإتيكيت ماسبش أصغر حاجة في حياتنا اليومية إلا و حطلها قواعد عشان نتعامل بيها و يبان شكلنا أحلي و أرقي قدام الناس ،معني كلمة اتيكيت أًصلا الدقة و الذوق وأحترام الأخر، فمن الحاجات المهمة اللي لازم نراعي فيها الناس اللي حولينا هى الكلام في الموبيل، في حاجات شكلك هيبان أرقي لو عملتها و انت بتتكلم في الموبيل أو تليفون البيت كمان زي :

  1. ماتتصلش برقم إلا وانتي متأكده منه كويس جدا عشان لو الرقم غلط في احتمال تزعجي حد،و لو حصل و أتصلتي برقم غلط متقفليش على طول أعتذري الأول.
  2. لو بتتكلمي في مكان مغلق سيبي مسافة بينك و بين الناس اللي موجودين من 30-60 سم لإن أقل من كده هتكوني بتخترقي الحيز الشخصي للناس .
  3. متتكلميش بصوت عالي أو تصرخي في التليفون حتى لو حساه أن كلامك مبيوصلش كويس.
  4. بلاش تتخانقي في التليفون لإن ده مش هيوصلك لحلول و ممكن يزود المشاكل أكتر عشان مفيش تواصل مرئي.
  5. متتكلميش في أمورك الشخصية في الأماكن العامة, لو كان ضروري الكلام فيها أعتذري للي بتكلميه و أجلي الكلام لوقت تاني.
  6. اتكلمي على طول بمجرد ما حد يرد عليكي لإنك أنت المتصلة ولازم تبدأي بالكلام أو السلام .
  7. ماتستخدميش الموبيل في الأماكن الممنوع فيها استخدامه زي المواصلات العامة و الحمامات و المصاعد و المستشفيات.

Facebook IconTwitter IconVisit Our InstagramVisit Our Instagram